يگور سەچين باسشىلىق ەتەتىن رەسەيلىك «ينتەر-راو» كومپانياسى قازاقستاندا ءۇش جىلۋ ەلەكتر ستانساسىن سالادى. بۇل تۋرالى ق ر ەنەرگەتيكا ءمينيسترى الماسادام ساتقالييەۆ ايتتى.
ونىڭ ايتۋىنشا،اتالعان كومپانيا بۇل ماسەلەدە ۇلكەن جەتىستىكتەرگە جەتكەن.
«كوكشەتاۋداعى جەس قۇرىلىسىنىڭ نەگىزدەمەسىنە تۇزەتۋلەر ەنگىزىلۋدە. ءبىز قۇرىلىستى بيىل باستاۋ مۇمكىندىگى تۋرالى ايتىپ وتىرمىز. باسقا جوبالار بويىنشا جەس نەگىزدەمەسىن ازىرلەۋ اياقتالۋدا، ونىڭ ناتيجەلەرى بويىنشا تەحنيكالىق شەشىمدەر بەكىتىلىپ، ءتيىستى جابدىققا تاپسىرىس بەرىلەدى»، - دەدى ول.
العاشقى ستانسيا كوكشەتاۋدا، ودان كەيىن سەمەي مەن وسكەمەندە سالىنادى.
قۇرىلىستى «ينتەر راو» كومپانيالار توبى جۇرگىزەدى. بۇعان دەيىن، كومپانيانىڭ ەۋروپاداعى بولىمشەلەرى ونىڭ باسشىلارىنىڭ (يگور سەچين) پۋتينمەن بايلانىسى بولۋى سەبەپتى سانكسيالارعا ۇشىراعانى ايتىلعان.
