ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«پۋتين تەراكتىنى ۋكراينانىڭ موينىنا ارتقىزباق» – زەلەنسكيي

25 ناۋرىز 2024 262

ۋكراينا پرەزيدەنتى ۆلاديمير زەلەنسكيي سەنبى كۇنى كەشكە ماسكەۋ تۇبىندەگى "كروكۋس سيتي حولداعى" تەراكتىگە قاتىستى پىكىر ءبىلدىردى. ول رەسەي پرەزيدەنتى ۆلاديمير ءپۋتيندى "تەراكتىگە كىنانى ۋكرايناعا ارتۋعا تىرىسىپ جاتىر" دەپ ايىپتادى.

زەلەنسكيي ءوز سوزىندە تەراكتىگە رەسەي بيلىگىنىڭ ىقتيمال قاتىسىن دا مەڭزەدى.

"ماسكەۋدە كەشە بولعان وقيعانى پۋتين مەن وزگە دە وڭباعاندار بىرەۋدىڭ موينىنا ارتۋعا تىرىسىپ جاتىر. ولاردىڭ ادىستەرى ءبىر. مۇنداي نارسە بۇرىن دا بولعان. جارىلعان ۇيلەر مەن اتىستار، جارىلىستار. ولار ءاردايىم وزگەلەردى كىنالايدى" دەدى ۋكراينا پرەزيدەنتى.

ونىڭ سوزىنشە، ۋكراينادا سوعىسىپ جاتقان رەسەيلىكتەر ۋكراينادا قان توكپەي، ءوز ەلدەرىندە بولعاندا رەسەيدەگى كەز كەلگەن قىلمىسكەردى توقتاتۋعا شاماسى جەتەر ەدى.

بۇعان دەيىن رەسەي بيلىگى ۋكراينا جاعىن "تەرروريستەردىڭ رەسەيدەن شىعۋىنا جاعداي جاسادى" دەپ ايىپتاعان.

ۋكراينا باس بارلاۋ باسقارماسىنىڭ ءتوراعاسى اندرەي يۋسوۆ ءپۋتيننىڭ بولجامى "سىن كوتەرمەيدى" دەدى.

يۋسوۆتىڭ سوزىنشە، رەسەي باسقىنشىلىعىنىڭ ءۇشىنشى جىلىندا ۋكراينانىڭ شەكاراداعى ايماقتارى "اسكەر، ارنايى اگەنت، ارنايى قىزمەت پەن كۇشتىك قۇرىلىمدارعا" تولى، "شەكارا سىزىقتارى مينالانعان، ەكى جاقتى دا اۋەدەن بارلاۋ قىزمەتى باقىلاپ تۇر".

بۇل ماقالا تۋرالى نە ويلايسىز؟