ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«پوليسەيلەر ەكى باۋىرىمدى ۇرىپ-سوقتى»: قازاقستاندىق ايەل توقايەۆتان كومەك سۇرادى

13 مامىر 2024 500

اقمولا وبلىسىنىڭ تۇرعىنى پرەزيدەنت قاسىم-جومارت توقايەۆقا ۆيدەوۇندەۋ جولدادى. ول ارنايى پوليسيا قىزمەتكەرلەرىنىڭ باۋىرلارىنا جاساعان شابۋىلىنا بايلانىستى جاعدايدى رەتتەۋ ءۇشىن كومەك سۇراپ وتىر، دەپ حابارلايدى alash.kzسايتى Skifnews.kz اقپارات پورتالىنە سىلتەپ.

«ءبىزدىڭ وتباسىمىز پوليسيا قىزمەتكەرلەرىنىڭ شابۋىلىنا بايلانىستى كۇيزەلىسكە ءتۇستى»، - دەدى ايەل ۇندەۋىندە.

ۆيدەوداعى كەلىنشەكتىڭ ايتۋىنشا، ونىڭ 17 جانە 18 جاستاعى باۋىرلارىنا «ارلان» مامانداندىرىلعان جانە ەليتالىق پوليسيا بولىمشەسىنىڭ قىزمەتكەرلەرى شابۋىل جاساعان. سونداي-اق ول ءىستىڭ تەرگەلمەي جاتقانىن ايتتى.

«كەزەكشىلىك كەزىندە پوليسيا قىزمەتكەرلەرى كوكشەتاۋعا اپاراتىن جولدا توتەنشە جاعداي تۋدىرعان. سودان كەيىن ولار مەنىڭ باۋىرلارىمنان كوشەلەردىڭ بىرىندە توقتاۋدى تالاپ ەتىپ، كولىكتەن ءتۇسىپ، ەش سەبەپسىز كوپتەگەن دەنە جاراقاتتارىن سالىپ، اعايىندىلاردى قىزمەتتىك كولىگىنىڭ سالونىنا قاماپ تاستاعان»، - دەدى ول.

ونىڭ سوزىنە قۇلاق تۇرسەك، ونىڭ قوس باۋىرىن ورمان القابىنا اپارىپ، سول جەردە ۇرىپ-سوعۋدى جالعاستىرعان، ءتىپتى، «ولتىرەمىز» دەپ قورقىتقان كورىنەدى.

قازىرگى ۋاقىتتا اعايىندىلار اۋرۋحانادا جاتىر. ەكەۋىنە دەنە جاراقاتتارى، سۇيەكتەرىنىڭ سىنعانى جانە ميى شايقالعان دەگەن دياگنوز قويىلعان.

بۇل ماقالا تۋرالى نە ويلايسىز؟