ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

پەتەربۋرگتەگى اپاتتا قازاقستاندىق قايتىس بولدى. دەپۋتاتتارى "ورتاازيالىقتى" ايىپتاپ جاتىر

11 مامىر 2024 687

رەسەي، سانكت-پەتەربۋرگ قالاسىندا كوپىردەن قۇلاپ، سۋعا باتقان اۆتوبۋستىڭ ىشىندە قازاقستان ازاماتى بولعانى حابارلاندى، دەپ جازادى Alash.KZ ۇلتتىق پورتالى. 

اقپارات كوزدەرىنىڭ جازۋىنشا، وزەنگە باتقان اۆتوبۋستىڭ ىشىندە كوكشەتاۋ قالاسىنىڭ تۋماسى، 28 جاستاعى مارينا يۋ. بولعان. قازاقستاندىق ايەل الەۋمەتتىك جەلىدە بلوگ جۇرگىزىپ، تابيعي كوسمەتيكا ونىمدەرىن ساتۋمەن اينالىسقان. ۆاسيليەۆ ارالىنداعى كوسوي جەرىندە تۇرعان. 

رەسەي دۋماسىنىڭ دەپۋتاتتارى اۆتوبۋس جۇرگىزۋشىسىنىڭ ورتا ازيا ەلدەرىنىڭ بىرىنەن كەلگەنىن،الايدا رەسەي ازاماتتىعىن العانىن ايتتى.

"مەن ءقازىر ۆيدەونى كوردىم. جۇرگىزۋشىدە (اۆتوبۋس) جۇرەك تالماسى بولۋى مۇمكىن، تەرگەۋ انىقتالسىن. ءبىراق مەن بۇدان ءارى ەشتەڭە ايتپايمىن دەپ ويلايمىن. ءتارتىپ ورناتۋ كەرەك"، - دەدى ميرونوۆ مەملەكەتتىك دۋمادا سويلەگەن سوزىندە.

دەپۋتات ەگەر رەسەيلىكتەر حالقىنا "جەتكىلىكتى اقشا تولەسە"، ميگرانتتارسىز-اق جەتىستىككە جەتەتىنىن قوسا ايتتى.

ەسكە سالا كەتەيىك،  10 مامىر كۇنى سانكت-پەتەتربۋرگتە اۆتوبۋس كوپىردەن قۇلاپ،سالدارىنان جەتى ادام كوز جۇمدى. جۇرگىزۋشى رولگە يە بولا الماي، اۆتوبۋس قالا ورتالىعىنداعى وزەنگە قۇلاعان. تەرگەۋ كوميتەتى جۇرگىزۋشى اۆتوبۋستان العاشقىلاردىڭ ءبىرى بولىپ شىققانىن حابارلادى. ول كەيىننەن ۇستالدى. 

بۇل ماقالا تۋرالى نە ويلايسىز؟