ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

پاۆلوداردا سكۋتەر مىنگەن ەكى ءجاسوسپىرىم جول اپاتىنان قازا تاپتى

06 ماۋسىم 2024 386
 

پاۆلوداردا سكۋتەر مىنگەن ەكى ءجاسوسپىرىم جول اپاتىنان قازا تاپتى، دەپ حابارلايدى Alash.kz ۇلتتىق پورتالى.

Cكۋتەر كاماز كولىگىمەن سوقتىعىسقان.

وبلىستىق جەرگىلىكتى پوليسيا قىزمەتىنىڭ باسشىسى قۋانىش مۇستافينوۆتىڭ ايتۋىنشا، جول اپاتى پاۆلودار-اقسۋ جولىندا بولعان.

103 قىزمەتىنىڭ حابارلاۋىنشا، قوڭىراۋ 5 ماۋسىم كۇنى ساعات 16:54-تە تۇسكەن. وقيعا ورنىنا ەكى جەدەل جاردەم بريگاداسى بارعان.

وقيعا ورنىندا دارىگەرلەر 15 جاستاعى بالانىڭ قازا بولعانىن انىقتادى. تاعى ءبىر 15 جاستاعى جابىرلەنۋشى اۋىر جاراقاتپەن No1 قالالىق اۋرۋحاناعا جەتكىزىلدى. كەيىن ونىڭ اۋرۋحانا قابىرعاسىندا قايتىس بولعانى بەلگىلى بولدى.

– ءبىر ساتتە ەكى جاس قىرشىنىنان قيىلدى. وقيعا اقسۋدان ەرتىس وزەنى ۇستىمەن پاۆلودارعا اپاراتىن كوپىردە بولعان. 9-سىنىپتا وقيتىن ەكى ءجاسوسپىرىم مىنگەن سكۋتەر جولدا توقتاپ تۇرعان كاماز كولىگىنە سوعىلادى. جۇك كولىگى جول جوندەيتىن كومپانياعا تيەسىلى ەكەن. قاتتى سوققىدان ارتتاعى بالا وقيعا بولعان جەردە قايتىپ كەتتى. ال سكۋتەر تىزگىنىندەگى ءجاسوسپىرىم اۋرۋحانادا كوز جۇمدى، – دەپ جازادى جەرگىلىكتى جۋرناليست بولات امانبايەۆ. 

بۇل ماقالا تۋرالى نە ويلايسىز؟