پاۆلودار وبلىسىندا سۋ تاسقىنىنان زارداپ شەككەن تۇرعىندارعا 370 مىڭ تەڭگەدەن وتەماقى بەرىلەدى. بۇل تۋرالى پاۆلودار وبلىسىنىڭ اكىمى اسايىن بايحانوۆ وكق-دا مالىمدەدى.
سۋ تاسقىنى سالدارىنان ۇيلەرى زارداپ شەككەن بارلىق اۋىل تۇرعىندارىنا جان-جاقتى كومەك كورسەتىلىپ جاتىر. ارنايى كوميسسيا كەلتىرىلگەن شىعىندى انىقتاۋدا. ونىڭ سوڭعى قورىتىندىسى 10 ساۋىرگە دەيىن شىعادى. ناتيجەسى بويىنشا زارداپ شەككەن ءۇي يەلەرىنە بيۋدجەتتەن تىس قاراجات ەسەبىنەن وتەماقى تولەنەدى، - دەپ ايتتى وبلىس اكىمى بريفينگتە.
پاۆلودار وبلىسىنىڭ اكىمى اسايىن بايحانوۆ سۋ تاسقىنى كەزىندە ۇيلەرى زارداپ شەككەن بارلىق تۇرعىنعا جان-جاقتى كومەك كورسەتىلىپ جاتقانىن تاعى دا ەسكە سالدى.
وبلىستىڭ وزگە اۋداندارىندا سۋ تاسقىنىنان مۇلكى زارداپ شەككەن تاعى 71 ادامعا بيۋدجەتتەن تىس قورلاردان 38 ميلليون تەڭگە كولەمىندە تولەم جاسالدى. سونداي-اق وسى اپتادا زارداپ شەككەندەرگە 100 اەك-كە (369 200 تەڭگە) دەيىنگى مولشەردە ءبىرجولعى مەملەكەتتىك الەۋمەتتىك تولەم تولەنەدى، - دەپ ءتۇسىندىردى اكىم.
