ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«پاك قىزدار» ءتىزىمى: تامارا دۇيسەنوۆا كىمدەر جازالاناتىنىن ايتتى

26 ناۋرىز 2024 456

«پاك قىزداردىڭ» ءتىزىمى جاريالاعانى ءۇشىن تەك مەدبيكەلەر عانا ەمەس، ەمحانا باسشىلارى مەن قازۇۋ دە جاۋاپقا تارتىلادى. بۇل تۋرالى بۇگىن پرەمەر-مينيستردىڭ ورىنباسارى تامارا دۇيسەنوۆا مالىمدەدى.

ونىڭ سوزىنشە، ىسكە قاتىستى بارلىق ماتەريالدار ىشكى ىستەر مينيسترلىگىنە بەرىلدى. قىلمىستىق تەرگەۋ ءالى اياقتالعان جوق.

«تەرگەۋ اياقتالعاننان كەيىن اتالعان ىسكە قاتىسى باردىڭ بارىنە ءتيىستى شارا قولدانىلادى. بۇل ەمحاناعا دا، ءبىلىم بەرۋ ۇيىمىنا دا قاتىستى. اقپاراتتىق قاۋىپسىزدىك ماسەلەلەرى بار. قۇپيالىلىققا قاتىستى شارالاردى قابىلداۋ قاجەت. تەرگەۋدەن كەيىن ۇيىمداستىرۋشىلىق جانە قىلمىستىق شارالار قابىلدانادى. بۇل اقپاراتتى تەك ىشكى ىستەر مينيسترلىگى عانا بەرەدى. بۇل اتالعان ىسكە قاتىسى بارلاردىڭ بارىنە قاتىستى»، – دەلىنگەن حابارلامادا.

دۇيسەنوۆاعا «قازۇۋ رەكتورى جانسەيىت تۇيمەبايەۆ قىزمەتىنەن بوساتىلا ما؟» دەگەن سۇراق قويىلدى. ول قاتەلىكتىڭ كىمنەن كەتكەنىن تەرگەۋ قورىتىندىسى شىققان سوڭ عانا بەلگىلى بولاتىنىن جانە تەرگەۋ ناتيجەسىنەن كەيىن عانا شەشىم قابىلداناتىنىن ايتتى.

ەسكە سالساق كەتسەك، بۇعان دەيىن عىلىم جانە جوعارى ءبىلىم ءمينيسترى ساياسات نۇربەك تە «پاكى قىزداردىڭ تىزىمىنە» قاتىستى پىكىر بىلدىرگەن ەدى.

بۇل ماقالا تۋرالى نە ويلايسىز؟