ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

وزبەك شەنەۋنىكتەرى جۇمىسقا اۆتوبۋسپەن بارادى

28 ناۋرىز 2024 246

29 ناۋرىز، جۇما كۇنى تاشكەنتتە «اۆتوكولىكسىز كۇن» اكسياسى وتەدى. پرەزيدەنتتىڭ اقپان ايىنداعى جارلىعىمەن بۇل كۇنى باسشىلار مەن باسقا دا مەملەكەتتىك قىزمەتكەرلەر جۇمىسقا قوعامدىق كولىكپەن بارۋى كەرەك.

وزبەكستاننىڭ ەكولوگيا، قورشاعان ورتانى قورعاۋ جانە كليماتتىق وزگەرىستەر مينيسترلىگى 29 ناۋرىز، جۇما كۇنى تاشكەنتتە «اۆتوكولىكسىز كۇن» اكسياسىن وتكىزەدى. بۇل تۋرالى مينيسترلىكتىڭ باسپا ءسوز قىزمەتى تاراتقان حابارلامادا ايتىلعان.

اكسيانىڭ نەگىزگى ماقساتى – سالاۋاتتى ءومىر سالتىن ناسيحاتتاۋ، قورشاعان ورتانى قورعاۋ ماسەلەلەرىنە قوعامنىڭ نازارىن اۋدارۋ، قالالارداعى كولىك قوزعالىسىن ازايتۋ جانە قوعامدىق كولىكتى دامىتۋ.

ەكولوگيا مينيسترلىگى بارشانى «بۇل كۇنى ءوتىپ جاتقان اكسياعا بەي-جاي قاراماي، قوعامدىق كولىك، ۆەلوسيپەد جانە قورشاعان ورتاعا زيان كەلتىرمەيتىن باسقا دا كولىك تۇرلەرىن تاڭداۋعا» شاقىردى.

ەسكە سالايىق، تاشكەنتتە ايىنا ءبىر رەت وتەتىن «اۆتوكولىكسىز كۇن» قوعامدىق جوباسىن جۇزەگە اسىرۋ، قالىڭ جۇرتشىلىق وكىلدەرى مەن تابيعاتتى قورعاۋ بەلسەندىلەرىنىڭ ۇسىنىستارى نەگىزىندە پرەزيدەنت شاۆكات ميرزيويەۆتىڭ 21 اقپانداعى جارلىعىمەن بەكىتىلگەن بولاتىن.

بۇل كۇنى عيماراتتارى تاشكەنتتە ورنالاسقان بارلىق رەسپۋبليكالىق جانە جەرگىلىكتى اتقارۋشى بيلىك ورگاندارىنىڭ باسشىلىعى مەن باسقا دا قىزمەتكەرلەرىنە «جۇمىس ورنىنا قوعامدىق كولىكپەن كەلۋ ارقىلى جەكە ۇلگى كورسەتۋ» تاپسىرىلدى.

بۇل ماقالا تۋرالى نە ويلايسىز؟