ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءوز تىزگىنىن قازاق ۇلى وزىنە الىپ، ءوز الدىنا جۇرت بولعانىن كورەمىز بە؟ - عۇمار قاراش

05 ءساۋىر 2024 183

كورەمىز بە؟

 

جارىق جولعا باستاۋشىعا ەرەمىز بە،

اق جۇرەكتى شىن ەرلەرگە سەنەمىز بە؟

تازا قاندى، كىرسىز جاندى قازاق جۇرتى

ءوز الدىنا ەل بولعانىن كورەمىز بە؟

 

الدىن-ارتىن مەيلىنشە بايقاپ الىپ،

توڭىرەكتە نە بار، نە جوق كوزىن سالىپ،

ءوز تىزگىنىن قازاق ۇلى وزىنە الىپ،

ءوز الدىنا جۇرت بولعانىن كورەمىز بە؟

 

جاس بۋىنعا جاڭا تازا ءبىلىم بەرىپ،

ناداندىقتى تەرەڭ قازىپ جەرگە كومىپ.

قازاق-تاعى ءوزى كۇنىن ءوزى كورىپ،

ءوز الدىنا ەل بولعانىن كورەمىز بە؟

 

وقۋ جۇرتى دايارلانىپ جەتكەندىگىن،

جالپى وقۋدى قازاق مىندەت ەتكەندىگىن،

قازاق ۇلى وزات شىعىپ كەتكەندىگىن،

تىرلىكتە كوزىمىزبەن كورەمىز بە؟

 

تالاس قويىپ ىنتىماققا كىرگەندىگىن،

ءبىر جولمەنەن ءبىر باعىتقا جۇرگەندىگىن،

دوس-دۇسپانى كىم ەكەنىن بىلگەندىگىن،

تىرلىكتە كوزىمىزبەن كورەمىز بە؟

 

جالقاۋلىقتى، بوس ءجۇرىستى تاستاعانىن،

ورىنسىزعا دالەت مۇلكىن شاشپاعاننىن،

كەرەك جەردە بويدى بالاپ قاشپاعانىن،

تىرلىكتە كوزىمىزبەن كورەمىز بە؟

 

اۋليە دەپ كورىنگەنگە باس ۇرماۋىن،

ءدىن دەپ قورقىپ اقيقاتتى جاسىرماۋىن،

ەشنارسەنى ولشەۋىنە اسىرماۋىن،

تىرلىكتە كوزىمىزبەن كورەمىز بە؟

 

ءوز جەرىنە شىققان كەندى ءوز العانىپ،

ادەمىلەپ ءايقىش-ۇيقىش جول سالعانىن،

ەۋروپانىڭ ونەرىنەن ۇلگى العانىن،

تىرلىكتە كوزىمىزبەن كورەمىز بە؟

 

«الاش» اتتى وردا قۇرىپ شالقىعانىن،

ب ا ق داۋلەتى تۋىپ ءوسىپ بالقىعانىن،

ءاربىر ىسكە قازاق ءيسى انقىعانىن،

تىرلىكتە كوزىمىزبەن كورەمىز بە؟

عۇمار قاراش

Alash.kz ۇلتتىق پورتالى

بۇل ماقالا تۋرالى نە ويلايسىز؟