ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ورال مەن اتىراۋعا "مەزگىلسىز كەلۋى مۇمكىن" تاسقىن سۋدى ونلاين رەجيمدە باقىلاۋعا بولادى

17 ءساۋىر 2024 486

كەز كەلگەن ادام، قالا تۇرعىنى قىزىل سۋ كەلىپ قالۋى مۇمكىن دەگەن ورال مەن اتىراۋدا نە بولىپ جاتقانىن ونلاين رەجيمدە كورە الادى. بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين الەۋمەتتىك جەلىدەگى پاراقشاسىندا جازدى، دەپ حابارلايدى Alash.KZ ۇلتتىق پورتالى. 

"كەز كەلگەن ازامات مىنا سىلتەمە بويىنشا ءوتىپ، سۋ باسقان اۋماقتارداعى جاعدايدى ونلاين تۇردە كورە الادى. ونلاين تۇردە ورال جانە اتىراۋ قالالارىنداعى سۋ تاسقىنىنا دايىندىق بويىنشا جۇرگىزىلىپ جاتقان جۇمىستاردى جانە جەرگىلىكتى جەردەگى جاعدايدى تەكسەرۋ بويىنشا جۇمىستاردى دا كورۋ مۇمكىندىگى بار"، - دەلىنگەن جازبادا.  

Cونىمەن قاتار، مۋسين ءوزىنىڭ پاراقشاسىندا بەينەباقىلاۋ كامەرالاردى ونلاين رەجيمگە شىعارۋ جونىندەگى ۇسىنىسىنىڭ قولداۋ تاپقانىن ايتتى: 

ءبىز ونلاين رەجيمدە اكىمدىكتەردىڭ قانداي ىس-ارەكەتتەر جاساپ جاتقانىن قالاي باقىلاۋعا بولاتىنىن كورسەتتىك، بۇل مۇمكىندىكتى بارلىعى كورە الاتىنداي جانە توتەنشە جاعداي كەزىندە بولىپ جاتقان وقيعالار تۋرالى تۇسىنىككە يە بولاتىنداي ەتىپ ونلاين رەجيمدە شىعارۋدى ۇسىندىق. پرەمەر-مينيستر ورال جانە اتىراۋ قالالارىنداعى سۋ تاسقىنىنا قارسى ءجۇرىپ جاتقان ءىس-شارالاردىڭ بارىسى تۋرالى بەينەباقىلاۋ كامەرالاردى ونلاين رەجيمگە شىعارۋ جونىندەگى ۇسىنىسىمىزدى قولدادى.
قۇرمەتتى وقىرماندار، سىزدەر دە سۋدىڭ اعىسىن وسى سىلتەمە ارقىلى باقىلاي الاسىزدار: 
 
بۇل ماقالا تۋرالى نە ويلايسىز؟