ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

وقۋ باعدارلاماسىنا جىنىستىق ساۋات ءپانى ەنگىزىلە مە؟

01 اقپان 2024 51
وقۋ-اعارتۋ ۆيسە-مينيسترى ناتاليا جۇمادىلدايەۆا مينيسترلىك مەكتەپتەردە كەلەڭسىزدىكتەردى بولدىرماۋ جۇمىسىن جۇرگىزىپ جاتقانىن ايتتى.
«بالالارعا جىنىستىق، تۇرمىستىق، مورالدىق زورلىق كورسەتۋگە قاتىستى جۇمىس جۇرگىزىلىپ جاتىر. كەشەندى جوسپار جاسالعان. پەداگوگتارعا، وقۋشىلارعا وزدەرىن قالاي ۇستاۋ كەرەك ەكەنىنە قاتىستى الگوريتم دايىندالدى. ءبىز اتا-انالارعا دا زورلىق كورگەننەن كەيىن وزدەرىن قالاي ۇستاۋ كەرەك ەكەنى تۋرالى الگوريتم قۇردىق. ءبىراق ەڭ ءبىرىنشى كەزەكتە وتباسىنداعى تاربيەگە كوپ نارسە بايلانىستى ەكەنىن ۇمىتپاۋىمىز كەرەك. مەملەكەت بولىپ، قوعام بولىپ زورلىق-زومبىلىققا توزبەي، قارسى بولساق قانا ناتيجە بولادى. بۇل تاقىرىپقا ەرەكشە نازارىمىزدى اۋدارىپ وتىرمىز»، – دەدى ول.

بۇدان بولەك، ول «جىنىستىق ساۋات ءپانى ەنگىزىلە مە؟» دەگەن سۇراققا جاۋاپ بەردى.
«بالاعا اناسى نەمەسە اكەسى ايتۋى كەرەك تاقىرىپتار بار. جىنىستىق تاربيە بيولوگيا ساباعىندا، سىنىپ ساعاتتارىندا قاجەت دەڭگەيدە ايتىلادى. ال مۇنداي جەكە ساباقتى ءبىز ەنگىزە المايمىز. ويتكەنى ادامنىڭ اناتومياسى، باسقا دا ماسەلەلەر وسى ساباقتاردا بار»، – دەدى ۆيسە-مينيستر.
بۇل ماقالا تۋرالى نە ويلايسىز؟