«مەملەكەت باسشىسىنىڭ جارلىعىمەن ولجاس اباي ۇلى بەكتەنوۆ قازاقستان رەسپۋبليكاسىنىڭ پرەمەر-مينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، – دەلىنگەن اقوردانىڭ حابارلاماسىندا.
ءماجىلىس دەپۋتاتتارى ۇكىمەت باسشىسى كانديداتۋراسىن تالقىلاعاننان كەيىن «قازاقستان رەسپۋبليكاسىنىڭ پرەزيدەنتىنە قازاقستان رەسپۋبليكاسى پرەمەر-مينيسترى لاۋازىمىنا بەكتەنوۆ ولجاس ابايۇلىن تاعايىنداۋعا كەلىسىم بەرىلسىن» دەگەن قاۋلى جوباسىنا داۋىس بەردى.
داۋىس بەرۋ بارىسىندا جالپى وتىرىسقا قاتىسقان دەپۋتاتتاردىڭ 69-ى ونىڭ كانديداتۋراسىن قولداپ، 7 دەپۋتات قالىس قالدى.
بۇعان دەيىن مەملەكەت باسشىسىنا «AMANAT» پارتياسىنىڭ اتىنان پرەمەر-مينيستر لاۋازىمىنا ولجاس اباي ۇلى بەكتەنوۆتىڭ كانديداتۋراسى ۇسىنىلعان ەدى.
بەكتەنوۆ تۋرالى نە بىلەمىز؟
ولجاس بەكتەنوۆ 1980 جىلى 13 جەلتوقساندا الماتى قالاسىندا تۋعان. 2001 جىلى قازاق مەملەكەتتىك زاڭ اكادەمياسىن ۇزدىك بىتىرگەن. ماماندىعى – «زاڭگەر». 2014 جىلى ءىى دارەجەلى «ايبىن» وردەنىمەن ماراپاتتالعان.
ەڭبەك جولى:
ەڭبەك جولىن 2002 جىلى الماتى قالاسى ادىلەت باسقارماسى ءبولىمىنىڭ باس مامانى رەتىندە باستاعان.
2005-2006 جىلدارى – پرەمەر-مينيستر كەڭسەسىندە زاڭ ءبولىمىنىڭ ساراپشىسى، باس ساراپشىسى.
2006-2009 جىلدارى – پرەزيدەنت اكىمشىلىگىندە قىزمەت ىستەدى.
2009-2012 جىلدارى – ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتى ءتوراعاسىنىڭ ورىنباسارى.
2012-2014 جىلدارى – ەكونوميكالىق قىلمىسقا جانە سىبايلاس جەمقورلىققا قارسى اگەنتتىگىنىڭ (قارجى پوليسياسى) ورتالىق اپپاراتىندا دەپارتامەنت باستىعى.
2015-2016 جىلدارى – استانا قالاسى اكىمىنىڭ اپپارات باسشىسى، پرەزيدەنت اكىمشىلىگىنىڭ باسشىسى حاتشىلىعىنىڭ مەڭگەرۋشىسى.
2016-2017 جىلدارى – سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) استانا قالاسى بويىنشا دەپارتامەنتىنىڭ باسشىسى.
2017-2018 جىلدارى – اقمولا وبلىسى اكىمىنىڭ ورىنباسارى.
2018-2019 جىلدارى – مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى.
2019-2022 جىلدارى – سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى.
2022 جىلدىڭ اقپانىنان 2023 جىلدىڭ ساۋىرىنە دەيىن – سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى.
2023 جىلدىڭ 3 ساۋىرىندە مەملەكەت باسشىسىنىڭ جارلىعىمەن پرەزيدەنت اكىمشىلىگىنىڭ باسشىسى بولىپ تاعايىندالعان بولاتىن.
ءىى دارەجەلى «ايبىن» (2014) جانە «داڭق» (2021) وردەندەرىمەن ناگرادتالعان.
وتباسىلى، ءۇش بالاسى بار.
فوتو: اقوردا
