ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ولار كارينانى ولتىرەدى": كارينا ماماشتىڭ اجەسىن ديپلوماتتىڭ تۋىستارى قورقىتقان

04 ماۋسىم 2024 356

دۋبايدا ديپلومات كۇيەۋىنەن ءزابىر كورگەن كارينا ماماش الەۋمەتتىك جەلىدە مالىمدەمە جاسادى، دەپ حابارلايدى Alash.kz سايتى.

«بۇگىن مەنىڭ اجەمە گۇلنار اپا حابارلاستى. ول ساكەندى 3 جاسىنان باستاپ تاربيەلەگەن ەڭ ۇلكەن كەلىن. ول اجەمە كەش بولماي تۇرعاندا كارينا ارىزىن قايتىپ السىن دەگەن. ولاي بولماعان جاعدايدا ساكەننىڭ استانا مەن قازاقستان بويىنشا تانىستارى بار. ولار كارينانى ولتىرەدى نەمەسە مەرتىكتىرەدى دەپ قورقىتقان. مەنىڭ اجەمنىڭ اياعى جۇمىس ىستەمەيدى. ءقازىر ونىڭ تۋعان نەمەرەسىمەن بولىپ جاتقان سوڭعى جاعدايلار ونىڭ جاعدايىنا كەرى  اسەر ەتتى. ولار ۇنەمى وعان جازا بەرەدى. العاشىندا كەشىرىم سۇراسا، ءقازىر قورقىتىپ جاتىر»، - دەپ جازدى Azattyq Rýhy كارينا ماماشتىڭ ءسوزىن.

ەسكە سالساق، كارينا ماماشتىڭ ءوز كۇيەۋىنىڭ ۇرىپ-سوعاتىنىن ايتقان مالىمدەمەسىنەن كەيىن ساكەن ماماش دۋبايداعى قىزمەتىنەن ەلگە قايتارىلدى. ەلشى كەڭەسشىسىنىڭ ۇستىنەن «ازاپتاۋ» بابى بويىنشا ءىس قوزعالدى.

بۇل ماقالا تۋرالى نە ويلايسىز؟