ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

نورۆەگيا، يرلانديا جانە يسپانيا ەلدەرى پالەستينانى تاۋەلسىز مەملەكەت رەتىندە مويىندادى

22 مامىر 2024 352

نورۆەگيا، يرلانديا جانە يسپانيا پالەستينا اۆتونومياسىن تاۋەلسىز مەملەكەت رەتىندە تانۋعا شەشىم قابىلدادى، دەپ حابارلايدى Alash.KZ ۇلتتىق پورتالى. 

نورۆەگيا پرەمەر-مينيسترى دجوناس گار ستەرە بۇل شەشىمنىڭ پالەستينا اۆتونومياسى مەن يزرايل اراسىندا بەيبىتشىلىك ورناتۋعا ىقپال ەتەرىنە سەنىمدى. 

"سوعىس قىزعان كەزدە، وندا مىڭداعان ادام قازا تاۋىپ، جارالانعان كەزدە، ءبىز يزرايلدىكتەرگە دە، پالەستينالىقتارعا دا ءقاۋىپسىز بولاتىن، ولاردىڭ ءقاۋىپسىز شاڭىراق استىندا تۇرۋىن قامتاماسىز ەتەتىن جالعىز نارسەنى، بىر-بىرىمەن بەيبىت ءومىر سۇرە الاتىن ەكى مەملەكەتتى ساقتاۋىمىز كەرەك"، - دەدى ستەرە.

نورۆەگيادان كەيىن يرلانديا مەن يسپانيا بيلىگى پالەستينا اۆتونومياسىن مويىندادى. 

يزرايل بيلىگى نورۆەگيا مەن يرلانديادان ءوز ەلشىلەرىن شاقىرىپ جاتقانىن حابارلادى. ءدال وسىنداي شارا يسپانيا ەلشىلىگىنە قاتىستى دا قولدانىلۋى مۇمكىن.

يزرايل باسشىلىعى بۇل باستاماعا قارشى شىعىپ باعۋدا. ولار: 

"بۇل مەملەكەتتەردىڭ قۇيتىرقى ارەكەتى 7 قازان قازا تاپقان [حاماس سودىرلارى يزرايلگە شابۋىل جاساعان كەزدە] قۇربانداردى قورلاۋدىڭ ناق سوراقى كورىنىسى"، — دەدى يزرايل ءسىم باسشىسى يزرايل كاتس.

قازىرگى ۋاقىتتا پالەستينا اۆتونومياسىن تاۋەلسىز مەملەكەت رەتىندە بۇۇ-عا مۇشە 193 ەلدىڭ 143ء-ى مويىندايدى، ونىڭ ىشىندە قازاقستان مەن رەسەي دە بار.

بۇل ماقالا تۋرالى نە ويلايسىز؟