ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

نازاربايەۆتىڭ جەكە اسپازى بولۋدان باس تارتقان قازاق كىم؟

26 ناۋرىز 2024 368

تانىمال اسپاز مۇحيت الىبەكوۆ  ەكس-پرەزيدەنت نۇرسۇلتان نازاربايەۆقا اس دايىنداپ بەرىپ، قانشا رەت كەزدەسكەنىن ايتتى دەپ حابارلايدى alash.kz سايتى "دالانيەۆسكە" سىلتەپ

اسپازدىڭ سوزىنشە، ەڭ العاش نازاربايەۆپەن رايىمبەك باتىردىڭ 300-جىلدىعىندا كەزدەسكەن.

«سوندا اتاقتى، مىقتى ادامدار قازاق ءۇي تىگىپ، مەنى اپاردى. مەن بارىپ اس دايىندادىم.

نازاربايەۆ سەرىك ۇمبەتوۆپەن كەلدى. الماتى وبلىسى اكىمىنىڭ ءبىرىنشى ورىنباسارى ساسقالاقتاپ، ۋ-شۋ بولىپ، ارتىنان قايتادان مەنى كىرگىزدى. الدىندا (نازاربايەۆتىڭ) ەتتى تۋراپ بەردىم. ەڭ ءبىرىنشى باستاعانىم سول كەز بولدى»، - دەيدى مۇحيت الىبەكوۆ Ashyq Podcast Youtube-ارناسىنا بەرگەن سۇحباتىندا.

اسپاز بۇل وقيعادان كەيىن دە 6-7 رەت نازاربايەۆقا اس ازىرلەپ بەرگەن ەكەن.

«مەنى ماقتادى. ول كەزدە جانىندا تۇرماق تۇگىلى، كوزىمەن كورمەك تۇگىلى، الىستان قاشىپ جۇرەتىندەر بولعان. قولىمدى الىپ «جارايسىڭ، تاماعىڭ وتە ءدامدى» دەدى. ەڭ سوڭعى رەت ەكسپونىڭ اشىلۋىندا، 2017 جىلى اماندىق باتالوۆتىڭ ءوزى مەنى الىپ باردى. قازان-وشاق پەن ءبارىن تيەپ اپارىپ، 5 كۇن بويى تاماق جاسادىق. قانشاما ديپلومات، قانشاما مىقتىلار بولدى. ول كەزدە ساعىنتايەۆ ۇكىمەت باسشىسى. ءبارى تاماقتانىپ كەتتى. باتالوۆتىڭ ءوزى مەنىڭ قولىمدى الىپ، ماراپاتىن ايتتى. سول كەزدە پرەزيدەنت اپپاراتىنداعىلار دا «اعا، قالىڭىز، بارلىق جاعداي جاسالادى» دەگەندە ءبىر اۋىز جاۋاپ بەرگەن جوقپىن.

نازاربايەۆتىڭ جەكە اسپازى بولۋ ۇسىنىسى جاسالدى. باس تارتتىم، سەبەبى مەن دالانىڭ، حالىقتىڭ ادامىمىن. مەن ەشكىمگە باعىنىشتى ەمەسپىن. ءوز الدىما جوسپار قويىپ، جۇمىس ىستەيتىن اداممىن»، - دەيدى اسپاز.

بۇل ماقالا تۋرالى نە ويلايسىز؟