ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

نازاربايەۆ ۋنيۆەرسيتەتىنىڭ اقشاسىنا دا، ەركىندىگىنە دە تيىسپەيمىز - مينيستر

21 مامىر 2024 216

قازاقستاننىڭ عىلىم جانە جوعارعى ءبىلىم ءمينيسترى ساياسات نۇربەك نازاربايەۆ ۋنيۆەرسيتەتىنىڭ بۇرىنعى باسشىسى شيگەو كاتسۋدىڭ مالىمدەمەسىنە جاۋاپ قاتتى، دەپ حابارلايدى Alash.kz.

كاتسۋ "وقۋ ورنىنىڭ اكادەميالىق ەركىندىگى مەن ينستيتۋسيونالدىق دەربەستىگىنە ءقاۋىپ ءتونىپ تۇر" دەگەن بولاتىن. ساياسات نۇربەك: 

– بىرىنشىدەن، قازىرگى تاڭدا ۇكىمەت جانە ءبىزدىڭ مينيسترلىك تاراپىنان نازاربايەۆ ۋنيۆەرسيتەتىنىڭ الەۋەتىن ساقتاپ قالۋ، اكادەميالىق دەربەستىگىن ساقتاپ قالۋ ارەكەتتەرى جاسالىپ جاتىر. جاۋاپتى تۇردە مەن سىزگە ايتايىن: نازاربايەۆ ۋنيۆەريتەتىنىڭ قارجىلاندىرۋ سۇراقتارىنا، اكادەميالىق سۇراقتارىنا ەشقانداي ۇكىمەت تاراپىنان شەكتەۋ نەمەسە توقتاتۋ بولمايدى، – دەدى ساياسات نۇربەك ۇكىمەتتىڭ باسپا ءسوز ورتالىعىندا.

مينيستر وقۋ ورنىنا جاڭا باسشى ىزدەستىرىلىپ جاتقاندىعىن باياندادى. 

– جاقىن ارادا جاڭا پرەزيدەنتى تاعايىندالادى. وتە مىقتى، تاجىريبەلى مامان ىزدەپ جاتىرمىز، – دەيدى ول.

ساياسات نۇربەك وقۋ ورنىنىڭ الەۋەتىن كوتەرۋ باستى ماقسات ەكەنىن ايتادى. سوزىنشە، مۇمكىن بىرنەشە ءتيىمسىز باعىتتار جابىلۋى مۇمكىن، ءبىراق نەگىزگى قولداۋ ەش وزگەرمەيدى دەيدى ول.

– حالىقارالىق ستاندارتتارعا ساي، تولىققاندى زەرتتەۋشى وقۋ ورنى – نازاربايەۆ ۋنيۆەرسيتەتى. جاقىندا Times Higher Education - THE حالىقارالىق رەيتينگى شىققان. سونا نۋ قازاقستاندا، ازياداعى جاقسى ۋنيۆەرسيتەتتەردىڭ ىشىندە ءبىرىنشى ورىندا تۇر، – دەيدى ول.

بۇل ماقالا تۋرالى نە ويلايسىز؟