ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"نازاربايەۆ - تاۋەلسىز قازاقستاننىڭ نەگىزىن قالاۋشى"

26 ءساۋىر 2022 77
[ad_1]



قازاقستان كونستيتۋسياسىن وزگەرتۋ بويىنشا جۇمىس توبى اتا زاڭعا ەلدىڭ ەكس-پرەزيدەنتى نۇرسۇلتان نازاربايەۆتى "تاۋەلسىز قازاقستاننىڭ نەگىزىن قالاۋشى" دەپ ستاتۋسپەن ەنگىزۋدى ۇسىندى. بۇل تۋرالى 25 ساۋىردەگى بريفينگتە جۇمىس توبىنىڭ مۇشەسى ەرمەك ابراسۋلوۆ مالىمدەدى.

"جۇمىس توبى بۇل ستاتۋستى كونستيتۋسيادا كورسەتۋدى ۇيعاردى. ياعني، قازاقستاننىڭ ءبىرىنشى پرەزيدەنتى – تاۋەلسىز قازاقستاننىڭ نەگىزىن قالاۋشى. ياعني، وسى ستاتۋس بەكىتىلەدى" دەدى ابراسۋلوۆ.

ول بۇل ستاتۋستىڭ "وتە ماڭىزدى" دەپ، "[نازاربايەۆتىڭ] الەم كورىپ وتىرعان لايىقتى ەڭبەگى كونستيتۋسيادا بەكىتىلەتىنىن" ايتتى.

ال كونستيتۋسيالىق قۇقىق بويىنشا زاڭگەر اكيف سۇلەيمەنوۆ ازاتتىققا پىكىرىندە ەكس-پرەزيدەنتتىڭ ستاتۋسىن كونستيتۋسياعا بەكىتۋ كونستيتۋسيانىڭ نەگىزىنە قاراما-قايشى ەكەنىن ايتادى.

– مىسالى، كونستيتۋسيادا "بارلىق ازامات جىنىسى، شىققان تەگىنە قاراماستان تەڭ" دەپ جازىلعان. ال نازاربايەۆتىڭ ستاتۋسىن بەكىتسە، بۇل كونستيتۋسياداعى "بiز، ورتاق تاريحي تاعدىر بiرiكتiرگەن قازاقستان حالقى، بايىرعى قازاق جەرiندە مەملەكەتتiلiك قۇرا وتىرىپ..." دەپ باستالاتىن كىرىسپەسىنە قاراما-قايشى بولماق. نازاربايەۆ – تاۋەلسىز قازاقستاننىڭ نەگىزىن قالاۋشى ەمەس، قازاقستان سوۆەت وداعىنىڭ ىدىراۋىنان قۇرىلدى، – دەيدى زاڭگەر.

اكيف سۇلەيمەنوۆ كەرىسىنشە كونستيتۋسياداعى "قازاقستاننىڭ تۇڭعىش پرەزيدەنتى – ەلباسىنىڭ مارتەبەسى وزگەرمەيدى" دەگەن 91-باپتىڭ 2-بولىگى تولىعىمەن الىنىپ تاستالادى دەپ ۇمىتتەنگەن.

– ءبىراق بىزدە ستاتۋستى بەكىتپەك. بۇل ستاتۋستى بەكىتۋگە مۇلدە بولمايدى، – دەيدى زاڭگەر.

قاڭتار قىرعىنىنان كەيىن (رەسمي دەرەك بويىنشا، كەمى 230 ادام قازا تاپتى، 8 ادام قاماۋدا كوز جۇمدى) قازاقستان پرەزيدەنتى قاسىم-جومارت توقايەۆ رەفورما جاسايتىنىن جاريالاپ، نازاربايەۆتىڭ جاقىندارىن قىزمەتتەن العان. قاڭتار وقيعاسى كەزىندە نازاربايەۆ توقايەۆقا قاۋىپسىزدىك كەڭەسىنىڭ ءتوراعالىعىن بەرگەن. ال توقايەۆ نازاربايەۆتىڭ قاۋىپسىزدىك كەڭەسىنە ءومىر باقي ءتوراعالىعىن جوياتىن زاڭعا قول قويدى.

وتكەن اپتادا ەلدىڭ ادىلەت ءمينيسترى قانات مۋسين نازاربايەۆتىڭ وكىلەتتىكتەرىن ودان ءارى قىسقارتۋ قاراستىرىلمايتىنىن، ءبىراق زاڭعا وزگەرتۋ ەنگىزۋ "حالىق پىكىرىنە بايلانىستى" دەپ ايتقان. ال ناۋرىزدا مۋسين مينيسترلىك ءبىرىنشى پرەزيدەنت تۋرالى زاڭعا وزگەرتۋ ەنگىزۋدى قاراستىرمايتىنىن دا جەتكىزگەن.



[ad_2]

دەرەككوز
بۇل ماقالا تۋرالى نە ويلايسىز؟