ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

نازاربايەۆ داۋىرىندە بيلىك ەتكەندەردىڭ دۋبايدان دۇركىرەگەن اكتيۆتەرى تابىلدى

15 مامىر 2024 603

ق ر بۇرىنعى پرەزيدەنتى نۇرسۇلتان نازاربايەۆ تۋىستارىنىڭ، ءماجىلىستىڭ بۇرىنعى سپيكەرى نۇرلان ءنىعماتۋليننىڭ جانە وزگە دە نازاربايەۆ ءداۋىرىنىڭ بىرنەشە وكىلدەرىنىڭ دۋبايدا قىمبات جىلجىمايتىن مۇلىك تۇرىندەگى كوپتەگەن اكتيۆتەرى تابىلدى، دەپ حابارلايدى Alash.KZ ۇلتتىق ورتالى ۆلاست-قا سىلتەمە جاساپ.

سونىمەن قاتار، دۋبايداعى قازىناگەرلەردىڭ اراسىندا بۇرىنعى پرەزيدەنت نۇرسۇلتان نازاربايەۆتىڭ جۇبايى، «استانا بالەت» تەاترىنىڭ ارت-جەتەكشىسى اسەل قۇرمانبايەۆانىڭ مۇلىكتەرى دە بار.

پورتالدىڭ كورسەتۋىنشە، ونىڭ دۋبايداعى جىلجىمايتىن مۇلكىنىڭ قۇنى 270 مىڭ دوللاردان اساتىن پاتەر بولعان. 

قۇرمانبايەۆا 2000-جىلدارى "وففشورلىق كومپانيالار ارقىلى نازاربايەۆتىڭ جاقىن ادامدارىنان 30 ميلليون دوللار العانى" انىتالدى.

ال ءماجىلىستىڭ ەكس-سپيكەرى ءنىعماتۋليننىڭ ايەلى ۆەنەرا بايمىرزايەۆا اتىنا تىركەلگەن ونداعان جىلجىمايتىن مۇلىك تابىلدى.

كاسىپكەر رەتىندە كورسەتىلگەن ۆەنەرا بايمۋرزايەۆانىڭ دۋبايداعى جىلجىمايتىن مۇلكىنىڭ جالپى قۇنى 4،3 ميلليون دوللاردان اسادى. سانى - 50-دەن استام جىلجىمايتىن مۇلىك.

ودان بولەك، ورتالىق سايلاۋ كوميسسياسىنىڭ بۇرىنعى باسشىسى بەرىك يماشيەۆتىڭ ۇلى ءالجان يماشيەۆتىڭ دۋباي قالاسىنداعى نازاربايەۆتىڭ ەكىنشى ايەلى قونىستانعان جاساندى ارال اۋماعىندا قۇنى 1 ميلليون دوللاردان اساتىن پاتەرى بولعان. ايتا كەتەرلىگى، قۇنى شامامەن 210 مىڭ دوللار تۇراتىن پاتەردى ورتالىق سايلاۋ كوميسسياسىنىڭ بۇرىنعى باسشىسى قىزمەتىن اتقارعان يماشيەۆتىڭ ايەلى لەيلا ايداربەكوۆادان دا تاۋىپ العان.

دۋبايدا تاعى دا نازاربايەۆ ءداۋىرىنىڭ وكىلدەرىنە تيەسىلى مۇلىك انىقتالدى.

الماتى وبلىسىنىڭ بۇرىنعى اكىمى اماندىق باتالوۆتىڭ ايەلى باعدات باتالوۆا دۋبايداعى ەليتالىق تۇرعىن ءۇي كەشەنىنەن قۇنى شامامەن 210 مىڭ دوللار تۇراتىن ەكى بولمەلى پاتەردىڭ يەسى. ءىستى بولعان بۇرىنعى قورعانىس ۆيسە-مينيسترى باعدات مايكەيەۆتىڭ دۋبايدا قۇنى 500 مىڭ دوللاردان اساتىن پاتەرى بار.

سوتتالعان نازاربايەۆتىڭ نەمەرە ءىنىسى قايرات ساتىبالدىنىڭ دۋبايدا قۇنى 2،2 ميلليون دوللاردان اساتىن بەس پاتەرى بار ەكەنى بەلگىلى بولدى.

ەكس-پرەزيدەنتتىڭ قىزى داريعا نازاربايەۆانىڭ كۇيەۋىنىڭ تۋىستارى: قايرات شارىپبايەۆتىڭ قىزى قورلان شارىپبايەۆانىڭ اتىندا دۋبايداعى شامامەن 250 مىڭ دوللار تۇراتىن پاتەر بار.

قاڭتار وقيعاسى بويىنشا تەرگەلىپ جاتقان ىشكى ىستەر مينيسترلىگىنىڭ بۇرىنعى باسشىسى ەرلان تۇرعىمبايەۆتىڭ ۇلى مارلەن تۇرعىمبايەۆقا قۇنى 347 مىڭ دوللار تۇراتىن پاتەر تيەسىلى بولسا، شىعىس قازاقستان وبلىسىنىڭ ەكس-اكىمى دانيال احمەتوۆتىڭ ۇلى تالعات احمەتوۆتىڭ اتىندا شامامەن 1،6 ميلليون دوللار تۇراتىن ۆيللا بار.

ال تۇركىستان وبلىسىنىڭ ەكس-اكىمى ءومىرزاق شوكەيەۆتىڭ اعاسى سەرىك ەستاي مەن جۇبايى ايجان اسانوۆانىڭ اتىندا جالپى قۇنى 1،7 ميلليون دوللارعا جۋىق 8 پاتەر بار ەكەنى بەلگىلى بولدى.

ودان بولەك، قۇقىق قورعاۋ ورگاندارىنىڭ بۇرىنعى جوعارى لاۋازىمدى قىزمەتكەرى سەرگەي كۋزمەنكونىڭ اتىندا دا مۇلىك بار ەكەنى انىقتالدى. كۋزمەنكونىڭ دۋبايدا قۇنى 348 مىڭ دوللار بولاتىن ەكى بولمەلى پاتەرى بار بولىپ شىقتى.

بۇل ماقالا تۋرالى نە ويلايسىز؟