ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ناتو ۋكرايناعا جىلىنا 40 ميلليارد ەۋرو بولەدى

31 مامىر 2024 392

ناتو-نىڭ باس حاتشىسى يەنس ستولتەنبەرگ اليانسقا مۇشە ەلدەرگە ۋكرايناعا اسكەري كومەك ءۇشىن جىل سايىن كەم دەگەندە 40 ميلليارد ەۋرو ءبولۋدى ۇسىنادى.

بۇل تۋرالى Reuters اگەنتتىگى ناتو-نىڭ پراگاداعى سىرتقى ىستەر مينيسترلەرىنىڭ بەيرەسمي كەزدەسۋىنىڭ ءبىرىنشى كۇنى ناتو-داعى دەرەككوزدەن الىنعان اقپاراتقا سىلتەمە جاساپ حابارلادى، دەپ جازادى Alash.kz cايتى.

كەزدەسۋدىڭ باستى تاقىرىبى — ۋكراينانى اسكەري قولداۋ.

"ءبىز ۋكرايناعا قاجەتتى قولداۋ دەڭگەيىن ۇستاپ تۇرۋىمىز كەرەك"، - دەدى اگەنتتىك دەرەككوزى رەسەي فەدەراسياسىنىڭ ۋكرايناعا تولىق باسىپ كىرۋىنەن باستاپ ناتو مۇشەلەرى ۋكرايناعا جىلىنا شامامەن 40 ميلليارد ەۋرو بەرىپ وتىر. 

Reuters ستولتەنبەرگ بۇل سومانى بۇرىن ايتپاعانىن، ءبىراق ناتو-دا بەس جىل ىشىندە 100 ميلليارد ەۋرو نەمەسە ۋكراينانى قولداۋ ءۇشىن جىل سايىن 20 ميلليارد ەۋرو تۇراتىن ارنايى قور قۇرۋ تۋرالى تالقىلانعانىن تۇسىندىرەدى دەپ جازدى inbusiness.kz.

باس حاتشىنىڭ كييەۆكە جىل سايىن 40 ميلليارد ەۋرو ءبولۋ تۋرالى ۇسىنىسى بۇگىن، ياعني 31 مامىردا تالقىلانۋى ءتيىس. ۋكراينانى قولداۋدىڭ ۇزاق مەرزىمدى ستراتەگياسىن نىعايتۋ جونىندەگى شارالار 9-11 شىلدەدە ۆاشينگتوندا وتەتىن ناتو سامميتىندە پىسىقتالادى. 

بۇل ماقالا تۋرالى نە ويلايسىز؟