ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

مۇنداي تالاس-تارتىس زاماندا «قۇداي ءوزى جەتكىزەر» دەپ قاراپ وتىرعان جۇرت جۇرتتا قالادى...

22 ءساۋىر 2024 129

ءھار جۇرت ءوز قامىن ءوزى ويلاپ، ءوز كەرەگىن ءوزى تاپپاسا، بىرەۋ ءۇشىن بىرەۋ قىزمەت قىلمايدى. مۇنداي تالاس-تارتىس زاماندا «قۇداي ءوزى جەتكىزەر» دەپ قاراپ وتىرعان جۇرت جۇرتتا قالادى. سونىڭ ءۇشىن بىزدە قاتاردان قالماسقا قام قىلعان بولىپ جاتىرمىز. ءبىراق قام قىلۋدىڭ بەلگىسى - «اح، ۋح، سويتسەك، بۇيتسەك...» دەگەن سارىۋايىم ەمەس، بەلسەنىپ ىسكە كىرىسۋ. الدىمىزدا تاۋدان ۇلكەن، تاستان اۋىر جۇمىستار. نە ىستەيمىن، قاي جاعىنان باستايمىن دەپ ساساتىن ەمەس. ەسەبىمىزدىڭ ءبارى سونى.

نەگىزگى ءىستىڭ ءبىرى ءھام بىرەگەيى وقۋ-وقىتۋ ءىسى بىزدە نە كۇيدە ەكەنى بەلگىلى.

بۇل كۇنگە شەيىن بەلگىلى ءبىر ىسكە ارنالىپ وتىرعان قىزمەتكەرلەرىمىز جوق، مۇنان كەيىن بۇرىنعى ادەتتى تاستاپ، ەتىكشىگە ەتىك تىكتىرىپ، بالتاشىعا اعاش شاپتىرۋ كەرەك.

ءقازىر ءار وبلىستا اشىلىپ جاتقان زەمستۆولارعا ءھام 5 دەكابردە ورىنبوردا بولاتىن جالپىقازاق سەزىنە مىناداي جوبانى كولدەنەڭ تارتامىن.

بۇكىل قازاق بولىپ ... وقۋ كوميسسياسىن قۇرۋ ...

كوميسسيا دايىم ءبىر قالادا ... جۇمىسپەن الاڭ بولماي، ... ىستەيتىن ىستەرى مىناۋ بولسىن.

1) باستاۋىش ءھام ورتا مەكتەپتە وقىتاتىن وقۋ قۇرالدار...

2) مەكتەپتەرگە پروگرامما ...

3) مۇعالىمدەرگە قالاي وقىتۋ تاسىلدەرىن ۇيرەتەتىن جول باسشى ... جازسىن.

4) تاربيە جايىنان كىتاپتار شىعارۋ ...

5) بۇكىل قازاققا وقۋ ءىسىن جۇرگىزۋ تۋرالى جوبا ...

6) قازاق ەملەسىن تەكسەرىپ ءوتسىن ءھام باسقالار.

وقۋ تۋرالى قىزمەتتى قازىردەن باستاماساق، ءبىزدىڭ ءىسىمىز العا باسپايدى. وزگەنى كەشەۋلەتسەك تە، قىزمەتتى نەسيەگە قاراتپالىق.

ءمىرجاقىپ دۋلات ۇلى

«قازاق» گازەتى، 1917 جىل، №251

دەرەككوز: دۋلات ۇلى م.، التى تومدىق شىعارمالار جيناعى.2-توم. - الماتى، 2013 ج.

Alash.kz ۇلتتىق پورتالى

بۇل ماقالا تۋرالى نە ويلايسىز؟