ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

موينى مەن بەتىن پىشاقپەن تىلگەن: گەرمانيادا قازا بولعان ايەل تۋرالى نە بەلگىلى؟

21 ماۋسىم 2024 895

گەرمانيادا ءمايىتى تابىلعان قازاقستاندىق ايەلدىڭ قولى مەن موينىنان پىشاق جاراقاتتارى انىقتالدى دەپ حابارلايدى Alash.kz.

گەرمانيالىق Bild باسىلىمىنىڭ مالىمەتىنشە، جابىرلەنۋشىنىڭ قولىندا، موينىندا جانە بەتىندە پىشاق جاراقاتتارى بار ەكەنى انىقتالعان. ياعني جابىرلەنۋشىنىنىڭ قولى مەن موينىن، بەتىن پىشاقپەن تىلگەن.

"بولجام بويىنشا توبەلەس بولعان. ايەلگە بىرەۋ شابۋىل جاساعان، ول ءوزىن-وزى قورعاۋعا ءماجبۇر بولعان"، – دەلىنگەن تەرگەۋشىنىڭ جاۋابىندا. 
پروكۋراتۋرا قىلمىستىق ءىس بويىنشا ءالى كۇدىكتى جوق ەكەنىن مالىمدەدى. 

40 جاستاعى ايگۇل سايلىبايەۆا شەففيلدتە (انگليا) وقىپ، كەيىن استانادا سۋديا بولىپ جۇمىس ىستەدى. سوڭعى جىلدارى ول گەرمانيانىڭ باتىسىنداعى بەنسحايم قالاسىندا كۇيەۋىمەن، قىزىمەن جانە قايىن ەنەسىمەن بىرگە تۇردى.

4 ماۋسىم كۇنى تاڭەرتەڭ سايلىبايەۆا ەكى جاسار قىزى جاكليندى بالاباقشاعا اپارادى. سودان بەرى ونى ەشكىم كورمەگەن. ارادا 12 كۇن وتكەندە ونىڭ دەنەسى قالانىڭ شەتىنەن پلاستيكالىق قاپشىققا سالىنعان كۇيى تابىلدى.

بۇل ماقالا تۋرالى نە ويلايسىز؟