ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءمولدىر بۇلاق: جەتىسۋدا سۋ قويمالارى مەن وزەن ارنالارى تازارتىلدى

10 مامىر 2024 189

رەسپۋبليكالىق «تازا قازاقستان» ەكولوگيالىق اكسياسى باستاۋ العاننان بەرى وبلىس تۇرعىندارى، ۆولونتەرلەر، جاستار ۇيىمدارى، مەديسينالىق جانە ءبىلىم بەرۋ مەكەمەلەرىنىڭ قىزمەتكەرلەرى، سونىمەن قاتار، ءوڭىر سپورتشىلارى مەن ونەرپازدارى – جالپى  103 مىڭنان استام ادام اتسالىسىپ، 803 تەحنيكا جۇمىلدىرىلدى. ەكولوگيالىق اكسيالار ناتيجەسىندە 4 875 توننا قوقىس شىعارىلدى. وبلىس اۋماعىندا جالپى 29 514 ءتۇپ اعاش وتىرعىزىلدى.

بۇگىنگى تاڭدا اتالمىش اكسيانىڭ «ءمولدىر بۇلاق» ناۋقانى جالعاسۋدا. «ءمولدىر بۇلاق» – وزەن، كولدەر ماڭىنا تازالىق جۇمىستارىن جۇرگىزىپ، جاعاجايلاردى قوقىستان تازارتۋعا باعىتتالعان ەكولوگيالىق اكسيالاردان تۇرادى.

كەربۇلاق اۋدانىندا دا ەكولوگيالىق شارالار لەگى جالعاسىن تاۋىپ، باسشي اۋىلىنداعى ارالتوبە جانە ەنكول سۋ قويمالارىنا تازارتۋ جۇمىستارى جۇرگىزىلىپ، اۋماعىنا سەنبىلىك جاسالدى. شاراعا بارلىعى 110 ادام قاتىستى.ال، ەسكەلدى اۋدانى كوكجازىق، قاينارلى اۋىلدارىنا قاراستى بۇلاقتاردىڭ كوزىن، وزەن سۋلارىنىڭ ارناسىن اشتى. 70 استام تۇرعىندار مەن ەرىكتىلەر قاتىسقان ەكو-شارا ناتيجەسىندە 6 توننا قوقىس شىعارىلىپ، 2500 م2 اۋماق تازارتىلدى.اتالمىش شارالار الاكول اۋدانىنىڭ ساپاق، تەرەكتى، قىزىلاششى جانە جانامااۋىلدارىندا ارىق جۇيەلەرى تازارتىلىپ، بۇلاق كوزدەرى اشىلدى.

جالپى وبلىس بويىنشا وسى اپتادا 20 مىڭعا جۋىق ادامنىڭ قاتىسۋىمەن، 50 ەكولوگيالىق شارا جوسپارلانعان.

 

 

بۇل ماقالا تۋرالى نە ويلايسىز؟