ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"مىسىقتى شەتىنەن سويىپ، بىزگە تاماق بەرەدى": شىمكەنتتە اسىراندى بالالار ابدەن ازاپتالعان

04 ماۋسىم 2024 763

شىمكەنتتە 6 بالانى اسىراپ العان وتباسى بالالارعا يت پەن مىسىقتىڭ ەتىن جەگىزىپ، ءزارىن ىشكىزگەن. بۇل وتباسىنىڭ 6 بالانى اسىراپ العانى جايلى بالالار قۇقىقتارى جونىندەگى ۋاكىل دينارا زاكييەۆا جازعان بولاتىن. ەندى الەۋمەتتىك جەلىدە وسى اۋىر قىلمىستى جاسادى دەگەن كۇدىكتى ەمشىنىڭ ۆيدەوسى تارادى، دەپ حابارلايدى Alash.kz سايتى.  

وتباسى اسىراندى 6 بالانى جىلدار بويى ازاپتاپ كەلگەن. ەمشىلىكپەن اينالىساتىن وتاعاسى بالالاردى جۋىندىرماي، اش قۇرساق ۇستاعان. يت پەن مىسىقتىڭ ەتىن جەگىزىپ، ءزارىن ىشكىزگەن. "ۇلىقبەك" ەسىمدى اتپەن تانىمال بۇل ەر ادامنىڭ ارەكەتى جايلى بالالاردىڭ قۇقىعىن قورعايتىن توپ تەكسەرۋگە بارعاندا انىقتاعان دەپ جازدى Azattyq Rýhy.

شىمكەنت قالاسى بويىنشا بالالاردىڭ قۇقىعىن قورعاۋ ۋاكىلى جانەتتا جازىقبايەۆا ايتقانداي بالالار اش بولعان.

«سارايلارىنا كىردىك. گاز بالللونىندا 3 مىسىق بايلاۋلى تۇر ەكەن. بالا بۇل مىسىقتى شەتىنەن سويىپ، بىزگە تاماق بەرەدى دەدى. مۇلدەم شومىلماعان، دەنەلەرىن قاسىعان. تۇندە بالالاردى قاسىنباسىن دەپ بايلاپ قويادى ەكەن»، - دەيدى جازىقبايەۆا.

اسىراندى بالالاردىڭ ەڭ ۇلكەنى 16 جاستا بولسا، كىشىسى 3 جاستا. جاۋىزدىقتان جاپا شەككەن ەرەسەك  ەكەۋى بەيىمدەلۋ ورتالىعىنا ورنالاستىرىلىپ، تاعى تورتەۋى بالالار ۇيىنە جەتكىزىلدى.

ەر ادامنىڭ ءوزى «ساندىراق سيندرومى» دياگنوزىمەن تالعاردىڭ پسيحيكالىق اۋرۋحاناسىندا جاتىر. كوكبۇلاق اۋىلىندا بولعان بۇل جاعدايدان اۋىل تۇتاس حابارسىز، ءبىر اتادان تۋعان باۋىرلارى دا بىلمەگەن. ەر ادامنىڭ ۇستىنەن قىلمىستىق ءىس قوزعالعان، ءقازىر ءىس سوتقا جولداندى.

بۇل ماقالا تۋرالى نە ويلايسىز؟