ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"مەنى سەكساۋلدى قۇلدىققا ساتىپ جىبەرگىسى كەلەدى". UFC-دەگى جالعىز قازاقستاندىق قىزدىڭ جانايقايى

20 مامىر 2024 490

UFC-دەگى جالعىز قازاقستاندىق قىز ماريا اگاپوۆا جەكپە-جەگى الدىندا ءۇيسىز قالاتىنىن جانە  سەكساۋلدى قۇلدىققا ساتىلىپ كەتۋى مۇمكىن ەكەنىن ايتتى. 

قازاقستاندىق ارالاس جەكپە-جەك شەبەرى ماريا اگاپوۆا UFC-دەگى كەلەسى جەكپە-جەگى الدىندا ءۇيسىز قالاتىنىن مالىمدەپ، كومەك سۇرادى.

“ءبىر اپتادان كەيىن تاعى ءۇيسىز قالامىن. سىزدەرگە تاڭعالارلىق جاعداي ما؟ ماعان جوق. ءدال UFC-دەگى جەكپە-جەكتىڭ الدىندا ءۇيسىز قالۋ امەريكاداعى ءومىرىمنىڭ ءبىر بولشەگىنە اينالىپ بارا جاتقان دۇنيە. باسپانا جالدايتىن جاعدايىم دا، اقشام دا بولماعاندىقتان، ءبىر اپتادان سوڭ باس ساۋعالايتىن ورىن ىزدەۋگە ءماجبۇر بولامىن. ءقازىر ادامدارعا سەنۋدەن قالدىم. ادامدار مەنى قاناپ، پايدالانىپ قانا قويماي، جەكە شەكارامدى بۇزىپ، ومىرىمە قول سۇعىپ جاتىر. سونىڭ ىشىندە، مەنى سىرتىمنان سەكساۋلدى قۇلدىققا ساتىپ جىبەرگىسى كەلەدى. ادامدى قانايتىن ەمەس، كومەكتەسكىسى كەلەتىن قايىرىمدىلىق قورىن بىلەتىندەر بار ما؟ ءوتىنىش، ماعان جازىڭىزدارشى”– دەدى ماريا. 

ايتا كەتەيىك، ماريا اگاپوۆا UFC تۇجىرىمىندا 5 جەكپە-جەك وتكىزىپ، سونىڭ ەكەۋىندە جەڭىسكە جەتسە، ءۇش رەت قارسىلاستارىنا ەسە جىبەرگەن. ول سوڭعى رەت شارشى الاڭعا 2022 جىلى شىقتى. ەكى جىلدىق ۇزىلىستەن كەيىنگى جەكپە-جەگىن اگاپوۆا 13 شىلدە كۇنى، برازيليالىق لۋنانو سانتوسقا قارسى وتكىزەدى.

بۇل ماقالا تۋرالى نە ويلايسىز؟