ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

مەن ونى ۇرمادىم: مەشىتتە قول كوتەرگەن ەر ادام ءوزىن جاقتاپ اقتالىپ جاتىر

16 مامىر 2024 418
مەشىتتە "ءامين" دەپ داۋىستاپ ايتقانى ءۇشىن ەر ادام ناماز وقىپ جاتقان جاندى اياۋسىز ۇرىپ جىبەرگەن ەدى. قول كوتەرگەن ەر ادام اقتالىپ "ۇرعانىم جوق" دەپ ايتتى. ۆيدەو تاعى دا مەشىت اينالاسىندا تۇسىرىلگەنگە ۇقسايدى.

بۇل كادردان پوليسيا وكىلدەرىمەن قاتار سوققىعا جىققان ەر ادامدى دا بايقاۋعا بولادى.

«الەۋمەتتىك جەلىدە مەشىتتە بولعان وقيعا تارالىپ جاتىر. وسىعان بايلانىستى قمدب جاۋاپ بەرگەندى ءجون كوردى. وقيعا 2024 جىلدىڭ 12 مامىرىندا كەشكى اقشام نامازى ۋاقىتىندا شىمكەنت قالاسىنداعى مەشىتتەردىڭ بىرىندە بولعان. وزگە وڭىردەن شىمكەنت قالاسىنا كەلگەن ءبىرتوپ ازامات مەشىت يمامىنىڭ ەسكەرتۋىنە قاراماستان بىرنەشە رەت جاماعات نامازىن بۇزعان. وزگە ءمازھابتا ناماز وقىعان ولار جاماعات پەن يمامنىڭ وتىنىشىنە قۇلاق اسپاي، مەشىت ەرەجەسىن ورەسكەل بۇزعان. ناماز كەزىندە «ءامين» دۇعاسىن قاتتى داۋىسپەن ايتقان جانداردىڭ ارەكەتىنە توزبەگەن مەشىتكە تۇراقتى كەلۋشى ءبىر ازامات ولاردىڭ بىرىنە قول جۇمساعان. ناتيجەسىندە يمام جاماعات نامازىن توقتاتۋعا ءماجبۇر بولعان. وقىس وقيعا دەر كەزىندە توقتاتىلىپ، پوليسيا قىزمەتكەرلەرى ءتيىستى جۇمىس جۇرگىزۋدە. قازاقستان مۇسىلماندارى ءدىني باسقارماسى مەشىتكە كەلۋشى جاماعاتتى مەشىت ەرەجەسىنە باعىنۋعا، سونىمەن قاتار قۇلشىلىق ۇيىندە سابىر ساقتاپ، كوركەم مىنەز تانىتۋعا شاقىرادى»، - دەپ تۇسىنىك بەرگەن اعابەك قونارباي ۇلى.

بۇل ماقالا تۋرالى نە ويلايسىز؟