ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

مەملەكەتتىك "حابار" تەلەارناسىنىڭ باسشىسى قىزمەتىنەن كەتتى

11 اقپان 2022 133
مەملەكەتتىك "حابار" اگەنتتىگىنىڭ باسقارما ءتوراعاسى ەرلان بەكقوجين قىزمەتىنەن كەتتى. 11 اقپاندا "حابار" اگەنتتىگى ونىڭ "ەڭبەك كەلىسىم-شارتى مەرزىمىنىڭ اياقتالۋىنا بايلانىستى" قىزمەتىنەن كەتكەنىن حابارلادى.

"حابار" اگەنتتىگى اق-دا ول 2019 جىلدان بەرى ىستەدى. ءقازىر باسقارما ءتوراعاسى مىندەتىن اتقارۋشى رەتىندە رينات كەرتايەۆ تاعايىندالدى. ول "حابار" اگەنتتىگى اق-تىڭ باسقارما ءتوراعاسىنىڭ ءبىرىنشى ورىنباسارى بولعان" دەپ جازىلعان اگەنتتىكتىڭ جۇما كۇنگى حابارلاماسىندا.

ەرلان بەكحوجين رەسمي باق-تا ۇزاق جىل قىزمەت اتقارعان. "حابار" اگەنتتىگى باسشىلىعىنا كەلگەنگە دەيىن ول پرەزيدەنت تەلەراديوكەشەنىنىڭ باس ديرەكتورى بولعان. وعان دەيىن "ليتەر"، "ايقىن" سياقتى رەسمي باسىلىمداردىڭ باسپاشىسى بولدى.

بۇعان دەيىن مەملەكەتتىك "حابار" تەلەارناسىنىڭ وزىندە قوعام نازارىن اۋدارتقان ءبىرقاتار جايتتار بولعان. قاڭتار وقيعاسىنان كەيىن اتالعان ارناداعى جوبا اۆتورى الەۋمەتتىك جەلىدە جازبا جاريالاپ، مەملەكەتتىك حاتشى ەرلان ءقاريننىڭ "ارەكەتىنە" نارازى بولعان. كەيىن جازبا جەلىدەن الىنىپ تاستالدى. ءجۋرناليستىڭ ءوزى اقپارات قۇرالدارىنا تۇسىنىكتەمە بەرۋدەن باس تارتتى.
بۇل ماقالا تۋرالى نە ويلايسىز؟