ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

مەملەكەت باسشىسى ەر ازاماتتاردى وتان قورعاۋشى كۇنىمەن قۇتتىقتادى

07 مامىر 2024 378

بۇل تۋرالى اقوردانىڭ باسپا ءسوز قىزمەتى حابارلادى. 

ءقادىرلى وتانداستار!

سىزدەردى وتان قورعاۋشى كۇنىمەن قۇتتىقتايمىن!

ەلىمىزدەگى بەيبىتشىلىك پەن تىنىشتىقتى ساقتاپ، قاستەرلى قۇندىلىقتاردى ورنىقتىرا ءتۇسۋ ءۇشىن بۇل مەرەكەنىڭ ماڭىزى زور.

اسكەري بورىشتى وتەۋ وتانعا دەگەن شىنايى سۇيىسپەنشىلىكتىڭ جارقىن كورىنىسى ەكەنى انىق. حالىققا قالتقىسىز قىزمەت ەتۋ – ءاربىر ادال ازاماتتىڭ پەرزەنتتىك پارىزى.

قازاقستان ۇلتتىق مۇددەنى قورعاۋعا، اۋماقتىق تۇتاستىقتى ساقتاۋعا جانە تۇراقتىلىقتى قامتاماسىز ەتۋگە باسا ءمان بەرەدى. ايبىندى ارميامىز ەگەمەندىگىمىزدىڭ كەپىلى، مەملەكەتتىلىگىمىزدىڭ مىزعىماس تىرەگى سانالادى.

ءبىز اسكەرىمىزدىڭ الەۋەتىن وقۋ-جاتتىعۋ جيىندارىندا عانا ەمەس، ناقتى مىندەتتەردى جۇزەگە اسىرۋ بارىسىندا دا كورىپ ءجۇرمىز. الاپات تاسقىن ەل-جۇرتقا ءقاۋىپ توندىرگەندە، ساربازدارىمىز الدىڭعى شەپتەن تابىلدى. ولار وزدەرىنە جۇكتەلگەن مىندەتتى ءمىنسىز اتقارىپ، وتانشىلدىقتىڭ وزىق ۇلگىسىن كورسەتتى.

ەلىمىزدىڭ قورعانىس قابىلەتىن كۇشەيتۋ جانە اسكەري قىزمەتكەرلەردى قولداۋ قاشاندا مەملەكەتتىك ساياساتتىڭ باسىم باعىتى بولىپ قالا بەرەدى.

قارۋلى كۇشتەرىمىزدىڭ مەرەيى ۇستەم بولسىن!

بارشاڭىزعا زور دەنساۋلىق، باق-بەرەكە تىلەيمىن!

بۇل ماقالا تۋرالى نە ويلايسىز؟