ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ماڭعىستاۋدا وبلىسىندا سوڭعى قوڭىراۋ توبەلەسپەن اياقتالدى

26 مامىر 2024 387

كەشە سوڭعى قوڭىراۋدا ماڭعىستاۋ وبلىسىنىڭ بەينەۋ اۋدانىنداعى بورانقۇل اۋىلىندا مەكتەپ تۇلەكتەرى جاپپاي توبەلەس شىعارعان. ناقتى سەبەبى ازىرگە بەلگىسىز، - دەپ حابارلايدى Alash.kz.

الەۋمەتتىك جەلىدە تاراعان ۆيدەودا ونداعان وقۋشى توبەلەسىپ، ءتىپتى كەيبىرى تاس لاقتىرىپ جاتقانىن كورۋگە بولادى. توبەلەستىڭ ناقتى سەبەبى ايتىلعان جوق، ءبىراق تەرگەۋ تەكسەرۋ ءجۇرىپ جاتقانى حابارلاندى. 

ارتىنشا تۇلەكتەردىڭ اتا-انالارى بورانقۇل اۋىلىندا 25 مامىر كۇنى بولعان سوڭعى قوڭىراۋدان كەيىن بولعان جاپپاي توبەلەسكە قاتىستى بىرنەشە بەينەۇندەۋ جاسادى. 

اتا-انالار بالالارىنىڭ ارەكەتتەرى ءۇشىن قازاقستان تۇرعىندارىنان كەشىرىم سۇرادى. تۇلەكتەردىڭ اكەلەرى مەن انالارى توبەلەس ناتيجەسىندە ەشكىم دەنە جاراقاتىن الماعانىن ايتتى. ولاردىڭ ايتۋىنشا، مۇعالىمدەر، مەكتەپ ديرەكتورى جانە پوليسيا قىزمەتكەرلەرى ءتۇسىندىرۋ جۇمىستارىن جۇرگىزدى. ەشقانداي شاعىم جوق.

تۇلەكتەردىڭ وزدەرى دە كەشىرىم سۇرادى. ولار توبەلەستىڭ سەبەبى قانداي دا ءبىر "كەلىسپەۋشىلىك" بولعانىن ايتتى. سونداي-اق ولار اتا-انالاردان، مەكتەپ باسشىلىعىنان جانە مۇعالىمدەردەن كەشىرىم سۇرادى.

ايماق پوليسيا دەپارتامەنتى بۇزاقىلىق فاكتىسى بويىنشا قىلمىستىق ءىس قوزعالعانىن ايتتى. پوليسياعا 47 كامەلەتكە تولماعان بالا جەتكىزىلدى.

بۇل ماقالا تۋرالى نە ويلايسىز؟