ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

لۋكاشەنكو ىلاڭى. بەلارۋستەگى 500-گە جۋىق جوو قىزمەتكەرلەرى سايلاۋداعى باسسىزدىقتى ايتقانى ءۇشىن قىزمەتتەن قۋىلعان

05 ماۋسىم 2024 257

ءبمۋ-دىڭ 500-گە جۋىق قىزمەتكەرى ساياسي سەبەپتەرمەن جۇمىستان كەتۋگە ءماجبۇر بولعان، دەيدى ۋنيۆەرسيتەت رەكتورى اندرەي كورول "كيبەرپارتيزاندار"قاۋىمداستىعى جاريالاعان اۋديوجازبادا. بۇل جايلى Alash.KZ ۇلتتىق پورتالى حابارلادى.

بەلارۋس مەملەكەتتىك ۋنيۆەرسيتەتىنىڭ (بمۋ) 500-گە جۋىق قىزمەتكەرى 2020-2023 جىلدار ارالىعىندا بەلارۋس پرەزيدەنتىنىڭ سايلاۋىنداعى باسسىزدىقتاردى، بۇرمالاۋعا دەرەكتەرىن اشىق ايتىپ، قارسى شىعىپ، جاپپاي نارازىلىقتاردى قولداعانى ءۇشىن جۇمىستان كەتۋگە ءماجبۇر بولعان. بۇل تۋرالى ۋنيۆەرسيتەت رەكتورى اندرەي كورول دۇيسەنبى، 3 ماۋسىمدا، "كيبەرپارتيزاندار" حاكەرلەر قاۋىمداستىعى جاريالاعان اۋديوجازبادا مالىمدەگەن.

بمۋ قىزمەتكەرلەرىمەن ەڭبەك قاتىناستارىن توقتاتۋ "مەملەكەتتىك مۇددەلەر مەن قاۋىپسىزدىك سالاسىندا جۇرگىزىلىپ جاتقان كادر ساياساتىمەن" بايلانىستى، دەيدى جوو رەكتورى اۋديوجازبادا.

ونىڭ سوزدەرى جازىلعان جازبا 2023 جىلدىڭ جازىندا بمۋ ىشكى جەلىسىن بۇزعان "كيبەر پارتيزاندار" قول جەتكىزگەن فايلدار اراسىندا اشكەرەلەندى.

بمۋ رەكتورىنىڭ بەس جۇزگە جۋىق قىزمەتكەردى جۇمىستان بوساتۋ تۋرالى ايتقانىن  تاپقان حاكەرلەر دەرەگىنىڭ شىندىققا جاناساتىنى دا راستالدى. دەرەك 2018 جىلدان 2022 جىلعا دەيىن وزگەرگەن جوو قىزمەتكەرلەرىنىڭ سانى تۋرالى دەرەكتەرمەن سايكەس كەلەدى. اتاپ ايتقاندا، بەلارۋس مەملەكەتىندە 2020 جىلدان 2022 جىلعا دەيىن 450-دەن استام ادام قىزمەتتەن شەتتەتىلگەنى ناقتىلانىپ وتىر.

بۇل ماقالا تۋرالى نە ويلايسىز؟