ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"لۋدومانياعا قارسى كۇرەستىڭ 2024-2026 جىلدارعا ارنالعان كەشەندى جوسپارى قابىلدانادى" - قارين

03 ءساۋىر 2024 203

قازاقستان رەسپۋبليكاسىنىڭ مەملەكەتتiك كەڭەسشىسى ەرلان قارين ءوزىنىڭ تەلەگرام ارناسىندا اتىراۋدا وتكەن قۇرىلتايدىڭ ءمان-ماڭىزىنا توقتالىپ، ساياسي باستامالار مەن بەتبۇرىستارعا باعا بەردى، دەپ حابارلايدى Alash.KZ ۇلتتىق پورتالى. 

ساياساتكەر ءوز سوزىندە ءۇشىنشى وتىرىستا تالقىلانعان ماسەلەلەردىڭ ماڭىزىن زەردەلەپ، كەلەشەكتەگى جوسپاردى تالقىلادى: 

  • پرەزيدەنت اكىمشىلىگى ۇلتتىق قۇرىلتايدىڭ ءۇشىنشى وتىرىسىنان كەيىن ۇكىمەتپەن بىرلەسىپ، مەملەكەت باسشىسىنىڭ باستامالارىن ءتيىمدى جۇزەگە اسىرۋ جولدارىن پىسىقتادى. سونىڭ ناتيجەسىندە بۇگىن پرەزيدەنت تاپسىرلامالارىن ورىنداۋعا ارنالعان جوسپار قابىلداندى. قۇجاتتىڭ كولەمى اۋقىمدى، 40 تارماقتان تۇرادى. وندا ءتۇرلى ءىس-شارالار كوزدەلگەن. جوسپارعا سايكەس 10 زاڭ (ەسىرتكى وندىرگەنى ءۇشىن جاۋاپكەرشىلىكتى قاتاڭداتۋ، لۋدومانياعا قارسى كۇرەسۋ، تاريحي نىسانداردى قورعاۋ، ارحەولوگيا سالاسى، ونوماستيكاعا قاتىستى جۇمىس، مەملەكەتتىك ناگرادالار تۋرالى جانە باسقالارى) ازىرلەنىپ قابىلدانادى.

سونىمەن قاتار، اۆتور لۋدومانياعا قارسى كۇرەستىڭ 2024-2026 جىلدارعا ارنالعان كەشەندى جوسپارى قابىلداناتىنىن مالىمدەدى: 

  • سونداي-اق زاڭسىز ويىن بيزنەسىنە جانە لۋدومانياعا قارسى كۇرەستىڭ 2024-2026 جىلدارعا ارنالعان كەشەندى جوسپارى جانە باسقا دا باعدارلامالىق قۇجاتتار قابىلدانباق. ءبىر سوزبەن ايتساق، پرەزيدەنتتىڭ اتىراۋدا كوتەرگەن باستامالارى قۇزىرلى مەملەكەتتىك ورگانداردىڭ ۇزاق مەرزىمگە ارنالعان جۇمىسىنا ارقاۋ بولىپ وتىر.
بۇل ماقالا تۋرالى نە ويلايسىز؟