بۇگىن «كروكۋس سيتيدەگى» تەراكتقا قاتىستى سەگىزىنشى كۇدىكتى سوتقا جەتكىزىلدى.
«كروكۋستاعى» لاڭكەستىك شابۋىلعا قاتىسى بار قىرعىزستان ازاماتى ۇستالدى
الىشەر قاسىموۆ اتتى قىرعىزستان تۋماسى تەرروريستەردىڭ جوسپارىنان بەيحابار بولعانىن ايتادى. تەرگەۋ مالىمەتتەرى بويىنشا، ول ۇستالعان كۇدىكتىلەرگە پاتەردى جالعا بەرگەن. قاسىموۆتىڭ ءوزى پاتەر وتكىزەتىن «اۆيتو» قىزمەتى ارقىلى عانا ولارمەن بايلانىستا بولعانىن ايتادى.
ايتا كەتەيىك، 25 ناۋرىزدا ماسكەۋدىڭ باسمانسكيي سوتىنا تاعى ءۇش كۇدىكتى «كروكۋس سيتي حولل» كونسەرتتىك كەشەنىندە تەرروريستىك اكت جاساۋعا ارالاستى دەگەن كۇدىكپەن جەتكىزىلگەن.
سوت وتىرىسى جابىق رەجيمدە وتەدى.
تەرگەۋ ولاردى تۇتقىنداۋ تۋرالى ءوتىنىش جاساماق.
ولاردىڭ ءبىرى ديلوۆار يسمولوۆ تەرروريستەرگە دەلدال رەتىندە كومەكتەستى دەگەن ايىپپەن كۇدىكتى. ۇستالعاندار مىنگەن «رەنو» كولىگىنىڭ نەگىزگى يەسى.
تاعى ءبىر ۇستالعان ديلوۆاردىڭ 62 جاستاعى اكەسى يسرويل يسمويلوۆ جانە ونىڭ 33 جاستاعى اعاسى امينچون سالوموۆ. ولار تاعىلعان ايىپپەن كەلىسپەيدى.
تەرگەۋ ديلوۆار مەن امينچون 24 ناۋرىزدا قاماۋعا الىنعان شامسيددين ءفاريدۋنيدى قىلمىستىق توپقا تارتتى دەپ ەسەپتەيدى.
