ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«كونسلاگەر تۇتقىندارى سياقتى»: 6 بالانى اسىراپ العان ەر ادام ولاردى اياۋسىز قورلاعان

02 ماۋسىم 2024 8253

شىمكەنتتە ەر ادام اسىراپ العان بالالارىن قورلادى دەپ ايىپتالدى، دەپ حابارلايدى Alash.kz ۇلتتىق پورتالى. 

شىمكەنتتە اسىراپ العان بالالارىنا جان تۇرشىگەرلىك قورلىق كورسەتۋ فاكتىسى انىقتالدى. وتاعاسى ولارعى جۋىنۋعا مۇلدەم رۇقسات ەتپەگەن. تەك جۇمىس ىستەۋگە ءماجبۇر ەتكەن. ءتىپتى، ولار دۇرىس تاماقتانباعانى دا انىقتالدى.

ەر ادام 2021 جىلى بالالار ۇيىنەن التى بالانى اسىراپ العان.

شىمكەنتتەگى بالا قۇقىقتارى جونىندەگى ۋاكىلى جاننەتتا جازىقبايەۆانىڭ ايتۋىنشا، جاقىندا بالالاردىڭ ۇلكەنى ولاردان كومەك سۇراعان.

«ول بالالار ءۇيىنىڭ باسشىسىنا: «كومەكتەسىڭدەر، ولار ءبىزدى ۇرىپ-سوعىپ جاتىر»، - دەدى.

سودان كەيىن ۇلكەن بالاسى باسقا بەس بالانىڭ فوتوسۋرەتتەرىن كورسەتكەن.

ەر ادام بالالارىن شاعىن كۇركە سياقتى جەردە تۇرعىزىپ كەلگەن.

"ءىشى قاراڭعى، لاس. بالالاردىڭ وزدەرى وتە ارىق. سوعىس كەزىندەگى كونسلاگەردەگى بالالار سياقتى، دەنەلەرى كوگەرىپ، قىزارعان. ولاردىڭ بەسەۋى سويلەي المايدى. ۇيىقتار الدىندا ولاردىڭ قولدارى مەن اياقتارى قىشىماۋ ءۇشىن بايلانعان. بالالاردىڭ ايتۋىنشا، ولاردى ءتىنتۋ كەزىندە قورادان بايلانعان مىسىقتاردى تاپتىق»، — دەيدى جازىقبەكوۆا.

 

قالالىق پوليسيا باسقارماسىنىڭ مالىمەتىنشە، ءقازىر قىلمىستىق كودەكستىڭ 110-بابى «ازاپتاۋ» بويىنشا بارلىق تەرگەۋ امالدارى اياقتالدى. ءىس سوتقا جىبەرىلدى.

 

اسىراپ الىنعان ءتورت بالا بالالار ۇيىنە، ەكەۋى بالالار ۇيىنە جىبەرىلدى.

بۇل ماقالا تۋرالى نە ويلايسىز؟