ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

كولسايعا بارا جاتقان تۋريستەردىڭ اۆتوبۋسى اۋدارىلىپ قالدى

27 مامىر 2024 443

الماتى وبلىسىندا تۋريستەر مىنگەن اۆتوبۋس جول اپاتىنا ۇشىرادى. زارداپ شەككەندەر بار، دەپ حابارلايدى Alash.kz سايتى.

الماتى وبلىسى اكىمدىگىنىڭ مالىمەتىنشە، جول اپاتى بۇگىن، 27 مامىر ساعات 10:20-دا كەگەن جانە ەڭبەكشىقازاق اۋدانىنىڭ شەكارالاس اۋماعىندا بولعان. 

"الدىن الا اقپارات بويىنشا، اۆتوبۋس قازاۆتوجول جەلىسىنە جاتاتىن الاسا اسۋىنداعى كۇردەلى جول بۇرىلىسىندا جولدان شىعىپ كەتكەن. وقيعا ورنىنا دەرەۋ كەگەن اۋدانىنان ەكى جەدەل جاردەم بريگاداسى شىقتى. اۆتوبۋستا 37 تۋريست بولعان. كەگەن اۋداندىق اۋرۋحاناسىنا 5 ادام، جالاعاش اۋىلىنىڭ اۋرۋحاناسىنا 4 ادام، شەلەك اۋىلىنا 4 ادام جەتكىزىلدى"،-دەپ جازدى اكىمدىك حابارلاماسىن inbusiness.kz

قازا تاپقاندار جوق.

"جول اپاتىنىڭ سەبەبى ازىرگە بەلگىسىز، تەرگەۋ ءجۇرىپ جاتىر. زارداپ شەككەندەردىڭ جاعدايى تۇراقتى، تۋريستەر دارىگەرلەردىڭ باقىلاۋىندا"،- دەپ اتاپ ءوتتى اكىمدىكتەن.

بۇل ماقالا تۋرالى نە ويلايسىز؟