ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"كولىكتە بولعان دەپۋتات پەن ەكى ءمۇعالىم قازا تاپتى". اقتوبە وبلىسىندا جول اپاتى بولدى

11 مامىر 2024 543
اقتوبە وبلىسى، ىرعىز اۋدانى ءماسليحاتىنىڭ 28 جاستاعى دەپۋتاتى، اۋداننىڭ ۆەتەرينار دارىگەرى جول اپاتىنان قاپيادا كوز جۇمدى. ولاردىڭ ارتىندا مەكتەپ جاسىنداعى 3 بالا قالدى، دەپ حابارلايدى Alash.KZ ۇلتتىق پورتالى موي گورود باسىلىمىنا سىلتەمە جاساپ.

اقتوبە وبلىسىنداعى تاس جولدا ءماسليحات دەپۋتاتى جانە ەرلى-زايىپتى مۇعالىمدەر كولىك اپاتىنان كوز جۇمدى. 

جول اپاتى 9 مامىردا سامارا-شىمكەنت تاس جولىندا بولعان. ىرعىزعا جاقىنداپ قالعان ۆاز جەڭىل كولىگى ءوز باعىتىندا كەلە جاتقان  مان جۇك كولىگىنىڭ ارتىنان سوققان. سالدارىنان جەڭىل كولىكتەگى 3 ادام قازا تاپقان.

كولىكتى ىرعىز مەكتەبىندە دەنە شىنىقتىرۋ پانىنەن ساباق بەرگەن 45 جاستاعى ءمۇعالىم جۇرگىزگەن. ول اۋرۋحاناعا تۇسكەن سوڭ قازا تاپقان. ونىڭ ايەلى وقيعا ورنىندا كوز جۇمعان. ايەل دە سول مەكتەپتە باستاۋىش سىنىپتىڭ ءمۇعالىمى بولىپ جۇمىس ىستەگەن. ولاردىڭ ارتىندا مەكتەپ جاسىنداعى 3 بالا قالدى. كوز جۇمعان ءۇشىنشى جولاۋشى ىرعىز اۋدانى ءماسليحاتىنىڭ 28 جاستاعى دەپۋتاتى، اۋداننىڭ ۆەتەرينار دارىگەرى بولعان.

اقتوبە وبلىسىنىڭ پوليسيا دەپارتامەنتى بولعان وقيعا بويىنشا سوتقا دەيىنگى تەرگەۋ ءجۇرىپ جاتقانىن حابارلادى.

بۇل ماقالا تۋرالى نە ويلايسىز؟