پاۆلودار وبلىسىندا بالاباقشالار مەن مەكتەپتەردە اۋىر قىلمىس جاساپ سوتتالعانداردىڭ جۇمىس ىستەگەنى انىقتالدى، دەپ حابارلادى وبلىستىق پروكۋراتۋرا.
جەلەزين اۋدانىندا پروكۋرورلار اۋىر قىلمىس جاساعان، سونداي-اق پسيحيكالىق اۋرۋلارى بار ادامداردىڭ ءبىلىم بەرۋ ۇيىمدارىندا جۇمىس ىستەگەنىن انىقتادى.
مىسالى، اۋدانداعى بالاباقشالاردىڭ بىرىندە ادام ولتىرگەنى ءۇشىن سوتتالعان ادام شامامەن 5 جىل جۇمىس ىستەگەن.
بىرنەشە ءبىلىم بەرۋ مەكەمەسىندە ۇرىپ-سوققانى جانە سوققىعا جىققانى ءۇشىن جاۋاپقا تارتىلعان جۇمىسشىلار انىقتالدى. مۇندايعا ەڭبەك زاڭناماسىندا تىكەلەي تىيىم سالىنعان.
جەلەزين اۋدانىنىڭ پروكۋراتۋراسى قابىلداعان شارالاردىڭ ناتيجەسىندە جوعارىدا اتالعان ادامدار جۇمىستان شىعارىلدى، ال ولاردىڭ باسشىلارى تارتىپتىك جازاعا تارتىلدى، - دەپ جازىلعان حابارلامادا.
وسىلايشا، جالپى 500-دەن استام بالانىڭ قۇقىعى قورعالدى.
