ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

كىناسىن تولىق مويىندادى. قايرات ساتىبالدى ۇلىنىڭ سوتى باستالدى

01 ءساۋىر 2024 622

استانادا اۋدانارالىق قىلمىستىق ىستەر جونىندەگى سوتتا قايرات ساتىبالدىۇلىنا قاتىستى باستى سوت وتىرىسى باستالدى.

بۇل جولى ساتىبالدى ۇلى قىلمىستىق جولمەن الىنعان اقشانى زاڭداستىرۋ (جىلىستاتۋ) بويىنشا ايىپتالىپ وتىر.

قايرات ساتىبالدى ۇلىنىڭ ءوزى سوت زالىندا جوق. ول پروسەسكە ونلاين قوسىلۋى كەرەك ەدى، ءبىراق تەحنيكالىق اقاۋلارعا بايلانىستى مۇمكىن بولمادى. وسىعان بايلانىستى سوت ءۇزىلىس جاريالادى.

ىلە-شالا قايرات ساتىبالدى ۇلى ونلاين رەجيمدە سوتقا قوسىلدى.

"سىبايلاس جەمقورلىققا قارسى ءىس قيمىل اگەنتتىگىنىڭ دەرەكتەرى بويىنشا ايىپتالۋشى بۇل اقشاعا ءارتۇرلى مۇلىك ساتىپ العان جانە ونى شەتەلدىك بانك شوتتارىنا اۋدارعان"، - دەپ جازىلعان دەرەكتەردە. 

باس سوت تالقىلاۋى كەزىندە قايرات ساتىبالدى ۇلى ءوز كىناسىن تولىق مويىندادى،

ەسكە سالايىق، 2022 جىلى ناۋرىزدا ساتىبالدى ۇلى شەتەلگە قاشىپ بارا جاتقان جەرىنەن ۇستالعان بولاتىن.

ال قىركۇيەكتە استانادا سوتى قايرات ساتىبالدىۇلىن التى جىلعا باس بوستاندىعىنان ايىرۋعا ۇكىم شىعاردى، ونىڭ مۇلكى تاركىلەندى جانە 10 جىل بويى مەملەكەتتىك قىزمەتتە جۇمىس ىستەۋگە تىيىم سالىندى. سوت بارىسىندا ساتىبالدى ۇلى "قازاقتەلەكوم" جانە "كولىك سەرۆيس ورتالىعى" كومپانيالارىنا زالالدى وتەۋ رەتىندە ونداعان ميلليارد تەڭگە تولەگەنى مالىمدەلدى. تاراپتار مەدياتيۆتىك كەلىسىم جاساستى.

2023 جىلى جەلتوقساندا قايرات ساتىبالدى ۇلى 55 ميلليارد تەڭگەدەن اسا اقشانى مەملەكەتكە قايتارعان بولاتىن. انتيكور قايرات ساتىبالدىۇلىنا جانە باسقا دا ادامدارعا قاتىستى جۇرگىزىلىپ جاتقان تەرگەۋ شەڭبەرىندە ەلدەن زاڭسىز شىعارىلعان اكتيۆتەردى، ونىڭ ىشىندە قىلمىستىق جولمەن الىنعان اقشانى جانە وزگە دە مۇلىكتى قايتارىپ جاتقانىن حابارلاعان بولاتىن.

بيىل اقپاندا ساتىبالدىۇلىنا قاتىستى سوتقا دەيىنگى تەرگەۋ امالدارى اياسىندا بيۋدجەتكە تاعى دا شامامەن 82،6 ميلليارد تەڭگە (185 ملن اقش دوللارى) ءتۇستى. ودان بولەك اقمولا وبلىسىنىڭ قوسشى قالاسىنداعى 942 گەكتار جەر ۋچاسكەسى مەملەكەتكە قايتارىلدى. ونىڭ نارىقتىق قۇنى 13 ميلليارد تەڭگەدەن اسادى.

بۇل ماقالا تۋرالى نە ويلايسىز؟