ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«كىم نازاربايەۆقا جاقىن بولدى نە كەشىرىم سۇرادى، سول جازادان وڭاي قۇتىلاتىن» - ابزال قۇسپان بيشىمبايەۆ ىسىنە قاتىستى پىكىر ءبىلدىردى

10 مامىر 2024 1053

ءماجىلىس دەپۋتاتى، بەلگىلى ادۆوكات ابزال قۇسپان قۋاندىق بيشىمبايەۆتىڭ ىسىنە قاتىستى پىكىر ءبىلدىردى، دەپ حابارلايدى Alash.kz.

قازاقستاننىڭ سوت جۇيەسى اۋقىمدى وزگەرىستى باستان وتكەرىپ جاتىر. بىلەسىزدەر، ءدال ءقازىر بۇكىل قازاقستان ەكس-مينيستر بيشىمبايەۆ ءىسىن قاداعالاپ وتىر. نەگە؟ سەبەبى ءىس تۇرمىستىق زورلىق-زومبىلىققا قاتىستى. بۇل – ءبىر. ال اتالعان ماسەلە قوعامدا ۋشىعىپ تۇر.
 
ەكىنشى، سوت پروسەسى اشىق ءوتىپ جاتىر. كەز كەلگەن ادام YouTube جەلىسىنەن وتىرىستى تاماشالاي الادى. ءتىپتى، بۇل ءىس ەل اۋقىمىنان شىعىپ، Washington Post، Al Jazeera سەكىلدى الپاۋىت مەديالاردا ايتىلدى.
 
بۇعان دەيىن پارلامەنت مىنبەرىنەن بىرنەشە رەت سۋديالارعا، سوت جۇيەسىنە قاتىستى سىن ايتقان ەدىم. ءقازىر ەسكى قازاقستاننىڭ سارقىنشاقتارى جويىلىپ، پرەزيدەنت تاپسىرماسىنا سايكەس اشىقتىق قالىپتاسىپ كەلە جاتقانىنا كۋا بولىپ وتىرمىز.
 
بيشىمبايەۆ ءىسىنىڭ تىكەلەي ەفيردەن كورسەتىلۋى حالىقتىڭ قۇقىقتىق ساۋاتىن ارتتىرادى. ەندى، ازاماتتار سوت وتىرىسى قالاي وتەتىنىن، قورعاۋشىلاردىڭ مىندەتىن، سوت پەن پروكۋروردىڭ قالاي جۇمىس ىستەيتىنىن ۇيرەنەدى. مۇنىڭ ءبارى، البەتتە، وڭ وزگەرىستەر. ەڭ باستىسى – وسى ارقىلى قوعامنىڭ سوت جۇيەسىنە، ونىڭ ادىلدىگىنە سەنىمى ارتا باستادى. اشىق وتكەن پروسەستە بىرەۋ-مىرەۋدى ساتىپ الۋ مۇمكىن ەمەس.
 
بۇل ءىس – بۇكىل حالىقتىڭ نازارىن اۋدارعان العاشقى سوت وتىرىسى. الماتىدا اۆتوبۋس جۇرگىزۋشىسىن ۇرعان ادامعا قاتىستى سوت وتىرىسى دا تىكەلەي ەفيردە كوپشىلىككە كورسەتىلدى. سونىمەن قاتار قاراعاندىدا جەدەل-جاردەم كولىگى جۇرگىزۋشىسىن ۇرعان ادامعا قاتىستى ءىس تە ونلاين كورسەتىلدى.
 
ەسكى قازاقستاندا سوت وتىرىستارى جابىق ءوتىپ، كىم نەنى قاراپ جاتقانى، ءىستى قالاي سارالاپ جاتقان بەلگىسىز بولاتىن. بۇعان دەيىن قۋاندىق بيشىمبايەۆتىڭ سوتتالىپ، كەيىن بوساپ شىعۋى دا وسى سەبەپتى ەدى. كىم نازاربايەۆقا جاقىن بولدى نە كەشىرىم سۇرادى، سول جازادان وڭاي قۇتىلاتىن.
 
ءقازىر بۇلاي جاساۋ مۇمكىن ەمەس. سوت وتىرىسىن تىكەلەي ەفيردەن كورسەتۋ ارقىلى، وعان القابيلەردى قاتىستىرۋ ارقىلى سوت جۇيەسىنىڭ اشىقتىعىن قامتاماسىز ەتىپ وتىر. ارينە، بۇل باعىتتا اتقاراتىن جۇمىس جەتەرلىك. سوت جۇيەسىنە، القابيلەرگە قاتىستى زاڭ جوبالارىن ءالى دە جەتىلدىرۋ كەرەك. ءبىراق ەڭ باستىسى، سەڭ قوزعالدى. ەندى ونى توقتاتۋ مۇمكىن ەمەس!
بۇل ماقالا تۋرالى نە ويلايسىز؟