ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

كييەۆ وبلىسىندا بەيبىت ادامدار جاپپاي كومىلگەن جەر تابىلعان

11 ءساۋىر 2022 78
[ad_1]



ۋكراينا كييەۆ وبلىسىنىڭ بۋزوۆايا سەلوسىندا ونداعان بەيبىت ادام جاپپاي كومىلگەن جەر تابىلعانىن حابارلادى. بۇل وڭىردەن تاياۋدا عانا رەسەي اسكەرى كەتكەن.

سول ءوڭىردىڭ باسشىسى تاراس ديدىچ ۋكراينا تەلەمارافونىندا سويلەگەن كەزدە ادام كومىلگەن جەر جانار ماي بەكەتىنە تاياۋ تۇستان شىققانىن حابارلاعان. بۋزوۆايادان وتەتىن نەگىزگى جولدا قالعان ونداعان ماشينە ىشىندە دە مايىتتەر جاتقانىن ايتقان. Reuters اگەنتتىگى ازىرگە بۇل اقپاراتتى ناقتىلاي الماعان.

ۋكراينانىڭ اسكەرى دە رەسەي سولداتتارى جاپپاي جەرلەنگەن جەرلەرگە كەز بولعانىن مالىمدەدى. ۋكراينا قارۋلى كۇشتەرىنىڭ ستراتەگيالىق كوممۋنيكاسيا باسقارماسى رەسەي سولداتتارى كومىلگەن جەر حاركوۆتەن سەگىز شاقىرىم قاشىقتاعى ولحوۆكا سەلوسىنان تابىلعانىن فوتوسۋرەتتەرمەن كورسەتتى. بۇل اقپاراتتى راستاۋ، يا بولماسا تەرىستەۋ سوعىس جاعدايىندا مۇمكىن ەمەس.

بىرنەشە اپتا بويى كييەۆتى قورشاۋعا الۋعا تالپىنعان رەسەي اسكەرى تاياۋدا عانا شەگىنگەن. ولار كەتكەننەن كەيىن بۋچا قالاسىنىڭ كوشەلەرىندە بەيبىت ادامداردىڭ ءمايىتى شاشىلىپ جاتقانى بەلگىلى بولعان. ۋكراينا مەن باتىس ەلدەرى مۇنى رەسەيدىڭ اسكەري قىلمىسى دەپ ايىپتادى، ماسكەۋ تەرىسكە شىعاردى.

ۋكراينا باس پروكۋراتۋراسى رەسەي باسىپ العان كييەۆ وبلىسىندا 1222 بەيبىت ادام قازا بولعانىن راستادى.

ۋكراينا باس شتابى نەگىزگى ۇرىس قيمىلدارى ۋكراينانىڭ شىعىس جانە وڭتۇستىك وڭىرىندە ءجۇرىپ جاتقانىن حابارلادى. كەيىنگى تاۋلىكتەگى بەلسەندى ۇرىس قيمىلدارى دونەسك وبلىسىندا بولعان.



[ad_2]

دەرەككوز
بۇل ماقالا تۋرالى نە ويلايسىز؟