ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جيىرما كۇن ىشىندە. رافاحتاعى 1 ملن-عا جۋىق پالەستينالىقتىڭ باس ساۋعالاپ كەتكەنى ايتىلدى

29 مامىر 2024 288

بىرىككەن ۇلتتار ۇيىمىنىڭ وكىلدەرى سوڭعى ءۇش اپتادا گازا سەكتورىنىڭ وڭتۇستىگىندە ورنالاسقان رافاح ايماعىنان 1 ملن-عا جۋىق پالەستينالىق كەتۋگە ءماجبۇر بولعانىن ايتتى، دەپ حابارلايدى Alash.KZ ۇلتتىق پورتالى. 

Anadolu اگەنتتىگى تاراتقان اقپاراتقا سايكەس، بۇل تۋرالى بىرىككەن ۇلتتار ۇيىمىنىڭ پالەستينالىق بوسقىندارعا كومەك كورسەتۋ جانە جۇمىس جونىندەگى اگەنتتىگىنىڭ الەۋمەتتىك جەلىگە جاريالانعان حابارلاماسىندا ايتىلعان.

بارار جەر، باسار تاۋى جوق پالەستينالىقتار ەكسكلاۆتا ءقاۋىپسىز ورىن بولماعاندىقتان ءارى ءيزرايلدىڭ تولاسسىز جاسالىپ جاتقان شابۋىلدارى كەسىرىنەن باسپانا ىزدەۋگە ءماجبۇر. ونىڭ ۇستىنە، كۇن سايىن ازىق-تۇلىك پەن اۋىزسۋ جەتكىلىكسىز بولىپ، تاپشىلىق ۇدەپ بارادى. گازا سەكتورىنداعى پالەستينالىقتارعا كومەك كورسەتۋ مەن قورعان بولۋ مۇمكىن بولماي بارا جاتىر، - دەلىنگەن حابارلامادا.

بۇعان دەيىن، 7 مامىردا يزرايل اسكەرى ەكسكلاۆتىڭ مىسىرمەن شەكاراداعى"رافاح" باقىلاۋ-وتكىزۋ پۋنكتىنىڭ پالەستينالىق بولىگىنە باقىلاۋ ورناتاتىنىن مالىمدەدى.

بۇل ماقالا تۋرالى نە ويلايسىز؟