ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جۇرتتى انىقتالماعان اقپاراتپەن شوشىتۋ كىمگە كەرەك؟

12 ءساۋىر 2024 260
ەلدەگى بولىپ جاتقان سۋ اپاتى جايلى قانشاما اقپاراتتار، ۆيدەولار ۆاتساپ، ينستاگرام سياقتى جەلىلەردەن كۇن سايىن كەلىپ جاتىر. ەندى سولاردىڭ بىرەۋى شىن بولسا، ەكىنشىسى جالعان. كەلگەن ۆيدەونى انىق-قانىعىنا جەتىپ الماي تاراتپاساڭدارشى قازاقتار-اۋ...
 
رەسمي سايتتاردىڭ اقپاراتى بولسا دۇرىس، سىلتەمەسىن قوسا سالىڭدار. ونسىز دا دۇرلىككەن جۇرتتى وزدەرىڭنىڭ كوزدەرىڭ جەتپەگەن دۇنيەمەن شوشىتا بەرىپ نە كەرەك؟
 
دۇرىس، تۇسىنەم ۇيلەرى سۋدا قالعان اعايىنعا وڭاي بولىپ جاتقان جوق. ءبىراق مەملەكەت ولاردى دالاعا تاستامايدى عوي. ادام امان بولسا ءۇي دە، دۇنيە مۇلىك تە، مال دا تابىلار.
وكىمەت تە، ەلىمىزگە بەلگىلى انشىلەر، بلوگەرلەر، كاسىپكەرلەر دە، ءتىپتى قاراپايىم حالىق تا ايانىپ قالىپ جاتقان جوق، قولدارىنان كەلگەن كومەكتەرىن بەرىپ جاتىر.
 
كۇرىشتىڭ ارقاسىندا كۇرمەك سۋ ىشەدى دەمەكشى، وكىنىشكە قاراي بۇل اپاتتان دا ءوز پايدالارىن جاساپ قالىپ جاتقان ادامدار جوق ەمەس.
سول ءۇشىن قينالعان اعايىنعا جاردەم بەرگىسى كەلەتىندەر، الەمجەلىدەگى ادەمى جازباسىنا قاراپ، وقىرمانى كوپ ەكەن دەپ كىم ەكەنىن ءبىلىپ الماي جاتىپ اقشا اۋدارا سالماي، رەسمي قورلاردى ىزدەپ تاۋىپ اۋدارعان دۇرىس-اۋ.
 
قازاقتار ەسكى زامانداعى كورگەن ازابىن ايتپاعاندا، توقسانىنشى جىلداردىڭ قيىندىعى مەن كەشەگى كوۆيدتى دە جەڭىپ ءوتتى عوي. سۋ تاسقىنى دا قايتىپ، بۇل كۇندەردى دە كورمەگەندەي بولىپ كەتەمىز ءالى. الداعى كۇننەن ءۇمىت ۇزبەيىك. بىرلىگىمىز ماڭگى بولسىن قازاق ەلى!
بۇل ماقالا تۋرالى نە ويلايسىز؟