ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جۋرناليستەردىڭ اراسىندا دا سالافيزم مەن ءۋاحابيزمدى جاقتايتىندارى جەتەرلىك - ەرمۇرات باپي

21 ماۋسىم 2024 337

دەپۋتات ەرمۇرات باپيعا بۇگىن ءماجىلىس كۋلۋارىندا حيدجاب ماسەلەسىنە بايلانىستى جۋرناليستەر تاعى سۇراق قويعان. دەپۋتات بۇل جولى ەموسيامەن جاۋاپ بەردى، دەپ حابارلايدى Alash.kz اقپارات پورتالى Ulysmedia.kz سايتىنا سىلتەپ.

حيدجاب كيگىزەم دەپ، بالاسىن مەكتەپكە، ساباققا اپارمايدى. قاراڭعىعا قالدىرادى. بۇل ناداندىق قوي. مۇنداي ماسەلەنى جۋرناليستەر دە “ناگنەتات” ەتىپ جاتقانىن مەن بىلەمىن. سەبەبى جۋرناليستەردىڭ اراسىندا دا سالافيزم مەن ءۋاحابيزمدى جاقتايتىندارى جەتەرلىك. سول سالادا رەسۋرستار دا بار. سولار ءقازىر قوعامداعى ماسەلەنى تولقىتىپ تۇرعان اقپاراتتىق جاعداي دەپ ويلايمىن، – دەيدى ەرمۇرات باپي.

ءدىن ماسەلەلەرىن رەتتەيتىن زاڭ كۇزدە پارلامەنتتە قارالادى. دەپۋتات ەرمۇرات باپي بۇعان دەيىن وسى قۇجاتقا ءتيىستى وزگەرىستەردى ۇسىناتىنىن ايتقان بولاتىن.

- قۇجاتتا مەكتەپكە ءدىني كيىممەن كەلۋ دە بار. وعان تولىق تىيىم سالىنادى.  قوعامدىق ورىندا بەتتى جاۋىپ تۇراتىن ءدىني كيىم كيۋگە تىيىم سالۋ دا بار. جازا رەتىندە ەسكەرتۋ جاسالىپ، ايىپپۇل سالۋ دا قاراستىرىلادى، – دەيدى باپي.

بۇل ماقالا تۋرالى نە ويلايسىز؟