ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جىل سايىن "تابيعي اپات" كوبەيگەن قازاقستاندا توتەنشە جاعدايلاردىڭ الدىن الۋ كوميتەتى قۇرىلماق

12 مامىر 2024 266

ماۋسىم سايىن حالىقتىڭ بەرەكەسىن العان قازاقستانداعى توتەنشە جاعدايلاردىڭ الدىن الۋ ماقساتىمەن توتەنشە جاعدايلار مينيسترلىگى جانىنان تاعى ءبىر جاڭا مەملەكەتتىك ورگان – توتەنشە جاعدايلاردىڭ الدىن الۋ كوميتەتى قۇرىلاتىنى حابارلاندى. مۇنداي قاۋلى ءمينيستردىڭ قولىمەن «اشىق نقا» پورتالىندا جاريالاندى، Alash.KZ ۇلتتىق پورتالى.

قۇجاتتىڭ تۇسىندىرمە جازباسىندا جازىلعانداي، جوبانى ىسكە اسىرۋ 1 ملرد 638 ملن 715 مىڭ تەڭگە (2024-2028 جج.) مولشەرىندە قوسىمشا قارجىنى تالاپ ەتىپ وتىر.

اتالمىش باعدارلامانى ىسكە اسىرۋ ورتالىق مەملەكەتتىك جانە جەرگىلىكتى اتقارۋشى ورگاندارعا قاتىستى تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ ماسەلەلەرىندە باقىلاۋدى جۇزەگە اسىرۋعا مۇمكىندىك بەرەدى دەپ كۇتىلۋدە. 

جوبا 24 مامىرعا دەيىن كوپشىلىكتىڭ تالقىلاۋىنا ۇسىنىلدى.

بۇل ماقالا تۋرالى نە ويلايسىز؟