ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«جىگىتتىڭ 30 جاسىندا ەشقانداي جەتىستىككە جەتپەۋى – ۇيات». روزا كوۋچتىڭ قىزدارعا ايتقان كەزەكتى كەڭەسى قىزۋ تالقىعا ءتۇستى

08 مامىر 2024 612

كوۋچ، بلوگەر، پسيحولوگ روزا اشىربايەۆا الەۋمەتتىك جەلىدە پىكىر ءبىلدىرىپ، وقىرمانداردىڭ سۇراعىنا جاۋاپ بەردى. ول ەر-ازاماتتىڭ وتىز جاسقا تولسا دا، قانداي دا ءبىر جەتىستىككە جەتپەۋىن ۇياتقا بالاپ،سىنادى، دەپ حاباردايدى Alash.KZ ۇلتتىق پورتالى. 

كوۋچ، پسيحولوگ روزا اشىربايەۆادان جەلى قولدانۋشىلارىنىڭ ءبىرى 30 جاستاعى جىگىتتىڭ اۆتوبۋسپەن جۇرۋىنە قاتىستى پىكىرىن سۇراعان. ول بىلاي دەپ جاۋاپ بەردى: 

«جاسى 30-عا تولعان ەر-ازامات ءۇي الۋ ءۇشىن، بيزنەسكە اقشا جيناپ، اۆتوبۋسپەن جۇرسە تۇسىنۋگە بولادى. ال ەگەر اقشاسىن وڭدى-سولدى شاشىپ، تۇك بىتىرمەي اۆتوبۋسپەن جۇرسە وندا ماسەلە بولادى. كەيبىر جىگىتتەر بار سونداي. ءۇش كۇننەن كەيىن ايلىعىن جاراتىپ، ىشى-جەپ قۇرتىپ تاستايدى. ءبارى بىردەي ەمەس. 30 نەمەسە 35 جاسقا جەتكەندە بيزنەس اشۋ ءۇشىن تىرنەكتەپ اقشا جيناپ، ءۇي الۋ ءۇشىن دەپوزيتكە قۇيىپ جاتسا ونداي جىگىتتەرگە “جارايسىڭ!” دەپ قانا ايتامىز. 30 جاسىندا ەشقانداي جەتىستىككە جەتپەۋ، اۋىز تولتىرىپ ايتاتىن زاتى بولمايتىن ەر ازامات بولۋ – ۇيات!

سونىمەن قاتار، جەلىدە تانىمال پسيحولوگ قىزداردىڭ ەمەس، ءقازىر جىگىتتەردىڭ قولى بوس، ويسىز ەكەنىن ايتىپ، ايىپتادى: 

قىزدارعا قاراعاندا جىگىتتەردىڭ قولى بوس. ستۋدەنت كەزدەرىندە تۇك ويلاماي جۇرەدى. سوسىن كوزدى اشىپ-جۇمعانشا 30 جاسقا تولعانىن سەزبەي قالادى. ماقساتى ايقىن بولۋى كەرەك»، – دەيدى كوۋچ.

مۇنداي پىكىرگە قاتىستى كوپشىلىكتىڭ كوزقاراسى سان قيلى ەكەنى بايقالادى. جەلى قولدانۋشىلاردىڭ پىكىرى ەكىگە جارىلدى. ءبىرى پسيحولوگتى سىناسا، ەكىنشى توپ ايتقانىمەن كەلىسكەن. 

بۇل ماقالا تۋرالى نە ويلايسىز؟