ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جەرىمىزدى ەشكىمگە بەرمەيمىز: ارمەنيا حالقى پاشينياننىڭ وتستاۆكاسىن تالاپ ەتتى

10 مامىر 2024 730

ارمەنيا استاناسى ەريەۆاندا پرەمەر-مينيستر نيكول پاشينياننىڭ وتستاۆكاعا كەتۋىن تالاپ ەتەتىن مىڭداعان ادام ميتينگكە شىقتى، دەپ حابارلايدى Alash.kz.

9 مامىر كۇنى كەشكە 20 مىڭنان استام ادام قالا ورتالىعىنا جينالدى. جينالعان حالىق نيكول پاشينياننىڭ وتستاۆكاعا كەتۋىن تالاپ ەتتى.

نارازىلىق اكسياسىنا ارميان اپوستولدىق شىركەۋىنىڭ تاۆۋش ەپارحياسىنىڭ باسشىسى ارحيەپيسكوپ باگرات گالستانيان باسقارعان «وتان ءۇشىن تاۆۋش» قوزعالىسىنىڭ جاقتاۋشىلارى شىققان. ميتينگ بارىسىندا نارازىلىق بىلدىرۋشىلەر «بيلىككە باعىنبايتىنىن» جانە پاشينيانعا پرەمەر-مينيستر قىزمەتىنەن كەتۋگە ۋاقىت بەرگەنىن ايتتى. ازىرگە پاشينيان كەزدەسۋ جانە وتستاۆكاعا كەتۋ تۋرالى تالاپتارعا جاۋاپ بەرمەدى. وسىدان كەيىن ارحيەپيسكوپ ۇلتتىق اسسامبلەيادا يمپيچمەنت جاريالاۋ ارقىلى پرەمەر-مينيستردىڭ وتستاۆكاعا كەتۋىن تالاپ ەتپەك.

«شەرۋگە شىققاندار الاڭدا قالۋ تۋرالى شەشىم قابىلدادى. ءبىز ناقتى ارەكەت جاسايمىز. ناتيجەگە قول جەتكىزەمىز. تەك ءبارىمىز جۇمىلۋىمىز كەرەك»، – دەدى ارحيەپيسكوپ نارازىلىق اكسياسىنا قاتىسۋشىلارعا.

 

بۇل ماقالا تۋرالى نە ويلايسىز؟