ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جەدەلساتى جانىندا بۇرىنعى ايەلىن قانىپەزەرلىكپەن ۇرىپ-سوققان ەر ادام قۇرىقتالدى

18 مامىر 2024 377

الماتىدا ەر ادامنىڭ جەتەلساتى الدىندا بۇرىنعى ايەلىن ۇرىپ-سوققانىن بەينەلەيتىن كادرلار اقپاراتتىق كەڭىستىكتە كەڭىنەن تارادى. ايەلدى اياۋسىز ساباعان ادامنىڭ ارەكەتى بەينەباقىلاۋ كامەراسىنا ءتۇسىپ قالعان.الماتى پوليسيا دەپارتامەنتى بۇل وقيعاعا قاتىستى قىلمىستىق ءىس قوزعالعانىن حابارلادى، دەپ جازدى Alash.KZ ۇلتتىق پورتالى. 

ەر ادام بۇرىنعى ايەلىن اسقان قاتىگەزدىكپەن ۇرىپ جاتقاندا تاعى ەكى ادام بولعان. ولاردىڭ بىرەۋى باستاپقىدا ەر ادامدى اجىراتۋعا تىرىسقانى ايتىلادى، ءبىراق كەيىننەن  جاعدايدى سىرتتاي، بەيتاراپ باقىلاۋعا كوشكەن.

الماتى پوليسيا دەپارتامەنتى بۇل وقيعاعا بايلانىستى مالىمدەمە جاسادى:

"بۇزاقىلىق دەرەگى بويىنشا قىلمىستىق ءىس قوزعالدى. كۇدىكتى ۇستالدى جانە ءپد-نىڭ ۋاقىتشا ۇستاۋ يزولياتورىنا قامالدى"، – دەلىنگەن حابارلامادا.

ەسكە سالايىق، بۇعان دەيىن نەمولچي قوعامدىق قورىنىڭ مالىمدەسىن جازىپ، جەلىدە تاراتقان ۆيدەودان ەر ادامنىڭ ايەلدى سوڭىنان قۋىپ كەلىپ، ۇرىپ-سوعىپ، تەپكىلەگەنى تۋرالى حابارلادىق. سول ساتتە ليفت كۇتىپ تۇرعان ەكى جىگىت جاعدايدى جاي عانا باقىلاپ، ايەلگە كومەك قولىن سوزبادى.

قور جەتەكشىسى دينا ءتاڭسارى جانە بەينەكادرلاردى كورگەن جەلى قولدانۋشىلارى ايەلدى ۇرىپ جاتقاندا اراشا تۇسپەگەن ەكى جىگىتتىڭ ارەكەتىنە تاڭدانىس بىلدىرگەن بولاتىن.  

بۇل ماقالا تۋرالى نە ويلايسىز؟