ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"جازاسىن جەڭىلدەتەمىن": بيشىمبايەۆتىڭ تۋىستارى الدانىپ قالدى

21 ماۋسىم 2024 565

استانالىق ايەل بيشىمبايەۆتىڭ تۋىستارىنان الداۋ ارقىلى 100 ميلليون تەڭگە الىپ كەتكەن.

سىبايلاس جەمقورلىققا قارسى قىزمەت ق. بيشىمبايەۆتىڭ تۋىستارىنىڭ ءوتىنىشى بويىنشا ەلوردا تۇرعىنى «گ»-عا قاتىستى سوتقا دەيىنگى تەرگەۋ جۇرگىزۋدە.

ول اسا ءىرى مولشەردە الاياقتىققا وقتالعانى، ياعني ق. بيشىمبايەۆتىڭ ۇكىمىن جەڭىلدەتۋ سىلتاۋىمەن الداۋ ارقىلى 100 ملن تەڭگەنى يەمدەنۋ بويىنشا كۇدىكتى.

سونىمەن قاتار، كۇدىكتىنىڭ ىس-ارەكەتى اسا ءىرى مولشەردە پارا بەرۋگە يتەرمەلەۋ بويىنشا سارالاندى.

ونىڭ قىلمىستىق ارەكەتىنىڭ باسقا ەپيزودتارى تەكسەرىلۋدە.

كۇدىكتى سوتتىڭ سانكسياسىمەن قاماۋعا الىندى.

تەرگەۋ جالعاسۋدا.

قىلمىستىق-پروسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.

كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

بۇل ماقالا تۋرالى نە ويلايسىز؟