ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"جات اعىم وكىلدەرى". مەشىتتە ورتاق نامازدى ەكى ءتۇرلى وقىعان ازاماتتار تاعى جاعا جىرتىسىپ، ايعايلاستى

18 مامىر 2024 1090

مەشىتكە جينالعان جاماعات اراسىندا تاعى دا داۋ تۋىنداپ، ەر ازاماتتار توبەلەسە جازدادى. جەلىدە جايىلعان ۆيدەودا وقيعانىڭ قاي مەشىتتە بولعانى ايتىلماعان. ءبىراق،ءوزارا شەكىسكەندەردىڭ جاعدايى انىق باياندالعان، دەپ حاباردايدى Alash.KZ ۇلتتىق پورتالى. 

نامازعا جينالعان جۇرتتىڭ ءبىر بولىگى جاپپاي ساجدەگە جاتقان. ال، بىرنەشە ەر ادام نامازدى تالتايىپ تۇرىپ وقىپ، ساجدەگە يىلمەگەن كورىنەدى. مۇنى بايقاعاندا وزدەرىن ءابۋ حانيفا ءماسھابىندا ەكەندەرىن ايتىپ، نامازدى ەرەجەگە باعىنداي وقىعان ەر ادامداردى "جات اعىم وكىلدەرى" دەپ ايىپتاپ، ۆيدەوعا تۇسىرگەن.

بۇعان قاتىستى ءماجىلىس دەپۋتاتى، ساياساتكەر مۇرات ابەنوۆ پىكىر ءبىلدىرىپ، شۇعىل شارا قابىلداۋعا شاقىردى: 

ءدىني بۇلىكشىلەردىڭ ارتىندا كىم تۇر؟ سوڭعى كۇندەرى تەرىس اعىم توپتاسقان بۇلىكشىلەرى مەشىتتەرگە اراڭداتۋ ماقساتىمەن جۇيەلى تۇردە داۋ داماي قاقتىعىستار ۇيىمداستىرىپ جاتىر. زاڭدى تۇردە شارا قابىلداماسا ەرتەڭ كەش بولادى، - دەدى مۇرات ابەنوۆ.  
 
ەستەرىڭىزگە سالا كەتەيىك، 2024 جىلدىڭ 12 مامىرى، كەشكى اقشام نامازى ۋاقىتىندا شىمكەنت قالاسىنداعى مەشىتتە ءدىني سەنىم وكىلدەرى جاعا جىرتىستى. وزگە وڭىردەن شىمكەنت قالاسىنا كەلگەن ءبىر توپ ازامات مەشىت يمامىنىڭ ەسكەرتۋىنە قاراماستان بىرنەشە رەت جاماعات نامازىن بۇزعانى حابارلاندى. وزگە ءمازھابتا ناماز وقىعان ولار جاماعات پەن يمامنىڭ وتىنىشىنە قۇلاق اسپاي، مەشىت ەرەجەسىن ورەسكەل بۇزىپ، داۋ شىعارعان.
 
 
بۇل ماقالا تۋرالى نە ويلايسىز؟