ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جاساندى ينتەللەكت كەسىرى: ۋكراينالىق ارۋ ءوزىنىڭ ءتۇرىن قىتايلىق جارناما ۆيدەولارىنان كورگەن

17 مامىر 2024 259

ۋكراينالىق ولگا لوەك ءوزىنىڭ بەت-بەينەسىن قىتايلىق جارنامالاردان كورىپ قالعان، دەپ حابارلايدى Alash.kz. Stan.kz سىلتەمە جاساپ.

ولگانىڭ تۇر-الپەتى 35 اككاۋنتتا قولدانىلعان. 

"مەنىڭ مۇنداي سۇمدىق دۇنيەلەردى ايتىپ جاتقانىمدى بىرەۋلەردىڭ كورگەنىن قالاماس ەدىم. رەسەي جارناماسى ءۇشىن ۋكراين قىزدىڭ بەتىن پايدالانۋ - بۇل جاي عانا ابسۋرد. مەن ءوز ءتۇرىمدى كورىپ، داۋىسىمدى ەستىدىم. ءبىراق مەن ءۇشىن مۇنىڭ ءبارى وتە جيىركەنىشتى بولدى، ويتكەنى ماعان مەن ەشقاشان ايتپاعان ءسوزدى ايتقىزعان"، - دەدى اقش-تاعى پەنسيلۆانيا ۋنيۆەرسيتەتىندە وقيتىن 21 جاستاعى ۋكراينالىق ستۋدەنت ولگا لوەك.

ونىڭ ۆيدەولارىن جاريالاعان اككاۋنتتاردا قىزعا ءارتۇرلى ەسىمدەر بەرىلگەن. بىرەۋىندە سوفيا بولسا، كەلەسىلەرىندە ناتاشا، ەيپريل، ستەيسي دەپ اتاعان. بۇل كەيىپكەرلەردىڭ بارلىعى ولگا مۇلدە بىلمەيتىن سولتۇستىك جۇڭگو تىلىندە (نەمەسە ماندارين تىلىندە) سويلەدى. ءبىراق ولاردىڭ ءبارى ورىس-قىتاي دوستىعىن ماداقتاعان نەمەسە رەسەيلىك تاۋارلاردى جارنامالاعان.

"مەن بۇل ۆيدەولاردىڭ  90%-عا جۋىعى جۇڭگو مەن رەسەي تۋرالى، ەكى ەلدىڭ دوستىعى، ولاردىڭ سەنىمدى وداقتاس بولۋ قاجەتتىگى تۋرالى ايتاتىنىن ءتۇسىندىم. سونداي-اق ولار ازىق-تۇلىك ونىمدەرىن دە جارنامالادى"، - دەيدى ولگا.

ەڭ تانىمال اككاۋنتتاردىڭ ءبىرى "ناتاشادان يمپورتتالعان ءونىم" دەپ اتالدى، وعان 300 مىڭنان استام پايدالانۋشى جازىلعان.

اراسىندا ناتاشا ارناسىنىڭ جۇرگىزۋشىسى: "رەسەي - الەمدەگى ەڭ مىقتى مەملەكەت. باسقا ەلدەردىڭ رەسەيدەن تەرىس اينالىپ جاتقانى قىنجىلتادى. ورىس ايەلدەرى قىتايعا كەلگىسى كەلەدى" دەيدى. ارتىنشا ورىس تاتتىلەرىن جارنامالاي باستايدى.

ولگا ءۇشىن بۇل قورلاۋ بولدى، ويتكەنى ونىڭ وتباسى ۋكراينادا تۇرادى. جانە ول رەسەي اسكەرلەرى باسىپ كىرگەن ءوز ەلىن بارلىق جاعىنان قولدايدى.

بۇل ماقالا تۋرالى نە ويلايسىز؟