ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جاڭا ۆيرۋس تاراي ما: الەمدە العاش رەت ەر ادام قۇس تۇماۋىنان قازا تاپتى

06 ماۋسىم 2024 351

مەكسيكادا A(H5N2) قۇس تۇماۋىن جۇقتىرعان ادام الەمدە ءبىرىنشى رەت تىركەلدى، دەپ حابارلايدى دۇنيەجۇزىلىك دەنساۋلىق ساقتاۋ ۇيىمىنىڭ باسپا ءسوز قىزمەتى.

ناۋقاس 59 جاستاعى ەر ادام. 17 ساۋىردە دەنە قىزۋىنىڭ كوتەرىلۋى، ەنتىگۋ، ديارەيا، جۇرەك اينۋى جانە جالپى السىزدىك پايدا بولعان. ءبىر اپتادان كەيىن ول اۋرۋحاناعا ءتۇسىپ، 24 ساۋىردە قايتىس بولدى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، ەر ادام قۇسپەن نەمەسە باسقا جانۋارلارمەن بايلانىستا بولماعان.

الايدا 2024 جىلدىڭ ناۋرىز ايىندا ناۋقاس تۇراتىن مەكسيكا شتاتىمەن شەكارالاس ميچواكان شتاتىنداعى قۇس فابريكاسىندا قۇس تۇماۋىنىڭ A(H5N2) وشاعى انىقتالدى.

قۇس تۇماۋى جوعارعى تىنىس جولدارىنا اسەر ەتىپ، ولىمگە اكەلۋى مۇمكىن، سونىمەن قاتار كونيۋنكتيۆيت، اسقازان-ىشەك اۋرۋلارى، ەنسەفاليت جانە ەنسەفالوپاتيا تۋدىرۋى مۇمكىن.

بۇل ماقالا تۋرالى نە ويلايسىز؟