ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جالعان سپورتشىلار سپورتتىق اتاقتارىنان ايىرىلدى

04 ماۋسىم 2024 3273

الەۋمەتتىك جەلىلەردى مونيتورينگىلەۋ بارىسىندا قازاقستاندىق ارالاس جەكپە-جەك سپورتشىسى ا.ءاشىموۆتىڭ جالعان سپورتشىلارعا "ق ر ەڭبەك سىڭىرگەن جاتتىقتىرۋشىسى" جانە "ق ر حالىقارالىق دارەجەدەگى سپورت شەبەرى" سپورتتىق اتاقتارىن نەگىزسىز بەرۋ تۋرالى بەينە اقپاراتى زەردەلەندى، دەپ حابارلايدى Alash.kz سايتى inbusiness.kz cايتىنا سىلتەپ.

سىبايلاس جەمقورلىققا قارسى قىزمەت اتالعان جاريالانىمعا ۋاقىتىلى دەن قويىپ، سوتقا دەيىنگى تەرگەۋدى تىركەدى.

اگەنتتىكتىڭ ۇسىنىسى بويىنشا جالعان سپورتشىلار سپورتتىق اتاقتارىنان ايىرىلدى.

جەمقورلىق تاۋەكەلدەرىن سىرتقى تالداۋ قورىتىندىسى بويىنشا اگەنتتىك تۋريزم جانە سپورت مينيسترلىگىنىڭ اتىنا جەمقورلىق تاۋەكەلدەرىن جويۋ بويىنشا ۇسىنىستار ەنگىزدى.

سپورتتى تەرىس پايدالانعانى ءۇشىن جاۋاپكەرشىلىك تۋرالى حالىقارالىق ستاندارتتاردى راتيفيكاسيالاۋ، جوعارى جەتىستىكتەر سپورتىن قارجىلاندىرۋدى ورتالىقتاندىرۋ، قارجىلاندىرۋ ناتيجەلەرىن باعالاۋعا مۇمكىندىك بەرەتىن سپورت، ينفراقۇرىلىم، سپورتتىق ءىس-شارالار مەن جەتىستىكتەر سالاسىندا اينالىساتىن ادامدار بويىنشا تولىق دەرەكتەردى قامتيتىن ە-sport ۇلتتىق سيفرلىق پلاتفورماسىن ەنگىزۋ ۇسىنىلدى.

بۇل سپورتشىلار، ينفراقۇرىلىم، جارىستار مەن جەتىستىكتەر تۋرالى ءبىرىڭعاي دەرەكتەر قويماسىن قۇرۋدى كوزدەيدى جانە سپورت سالاسىنداعى جەمقورلىق تاۋەكەلدەرىن بولدىرماۋعا مۇمكىندىك بەرەدى.

تەرگەۋ جالعاسۋدا.

قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.

كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

بۇل ماقالا تۋرالى نە ويلايسىز؟